पहिरोको चपेटामा दोलखाको उत्तरी क्षेत्र
सुबास बस्नेत २०८१, साउन १४ ११:१८ 
दोलखा । बाढी पहिरोको कारण दोलखाको उत्तरी क्षेत्रमा वर्षेनि ठूलो मात्रामा क्षति हुँदै आएको छ । यस क्षेत्रमा रहेका गाउँपालिका कालिञ्चोक, गौरीशंकर र विगु गाउँपालिकाले हरेक वर्ष बाढी पहिरोको कारण ठूलो जनधन तथा सयौँ हेक्टर खेतीयोग्य जमिन गुमाउने गरेको छ ।
पछिल्लो पाँच वर्षको अवधिमा यहाँका तीन वटा गाउँपालिकामा १७ ठाउँमा पहिरो गएको छ । यहाँको सबैभन्दा ठूलो पहिरो कालिञ्चोक गाउँपालिकाको लापिलाङ गएको थियो । उक्त पहिरो अझै नियन्त्रणमा आउन सकेको छैन । उक्त पहिरोले हालसम्म करिब एक सय ३७ घरपरिवारलाई विस्थापित बनाएको छ । तीन वर्षअघि रानीवनबाट सुरु भएको रानीभिर पहिरोले सिङ्गो गाउँ नै बगाएको थियो । उक्त पहिरोले सडक, खानेपानीसँगै चारसय रोपनीभन्दा बढी खेतीयोग्य जमिनलाई बगर बनाएको कालिञ्चोक गाउँपालिकाले जनाएको छ ।
त्यसैगरी गौरीशंकरमा पछिल्लो पाँच वर्षयता नौ वटा पहिरो जाँदा दुई जनाको मृत्यु भएको छ भने दुई जना अझै बेपत्ता छन् । पहिरोले यहाँका दुई सय घर परिवार विस्थापित बनेका छन् । गौरीशंकरको जुँगु, ज्याकु, खारे, मार्बु, टुनिटार, डोगाङमा, सिमीगाउँ, लामाबगरलगायतका बस्तीमा पटकपटक पहिरोका घटना दोहोरिएको पाइएको छ । त्यसैगरी बिगुको सिंगटी बजार आसपासमा हालसम्म तीन वटा पहिरो गएको छ भने पहिरोको कारण बिगु ओराङमा पनि ठूलो क्षति भएको छ ।
पहिरोले उत्तरी राजमार्ग अवरुद्ध
यस वर्ष पनि गत वर्षहरूमा जस्तै बाढीपहिरोले मुख्य ग्रामीण सडक राजमार्ग अवरुद्ध बन्दा उत्तरी क्षेत्रका तीन वटा स्थानीयतहका स्थानीयलाई आवतजावतमा समस्या भएको छ । जिल्ला सदरमुकाम र उत्तरी मुख्य व्यापारी नाका जोड्ने चरिकोट–सिँगटी सडकखण्डअन्तर्गतको झमार्सिमा पहिरोले सडक तानेपछि स्थानीयहरूलाई सदरमुकाम चरिकोट र राजधानी ओहोरदोहोर गर्न असहज भएको हो ।
चरिकोट–सिंगटी सडकखण्डको झमार्सीमा पहिरोले सडक बगाएपछि आइतबार बिहानदेखि नै सडक अवरुद्ध बनेको कालिञ्चोक गाउँपालिकाले जनाएको छ । शनिबार राति अत्यधिक वर्षा भएको र उक्त वर्षाले सडकमा भलबाढी आएसँगै मुख्य राजमार्ग बगाएकाले दुई पाङ्ग्रे सवारीबाहेक अन्य ठूला सवारी सञ्चालन गर्न समस्या भएको प्रहरीले जनाएको छ । सो पहिरोले उत्तरी क्षेत्रका मुख्यदेखि सहायक आधा दर्जनभन्दा बढी सडक अवरुद्ध भएको छ । प्रहरीले चरिकोट–सिंगटी सडक सञ्चालन ल्याउने प्रयास भइरहेको जनाएको छ ।
क्याटेगोरी : समाचार, बागमती प्रदेश
ट्याग : #Page 8
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया