बैंकहरूको निक्षेप सात खर्ब २४ अर्ब बढ्दा कर्जा तीन खर्बले बढ्यो

आर्थिक वर्ष २०८०÷०८१ मा बैंक तथा वित्तीय संस्थाले गरेको निक्षेप सङ्कलनको तुलनामा कर्जा प्रवाहको वृद्धि निकै कम छ । नेपाल राष्ट्र बैंकले सार्वजनिक गरेको तथ्याङ्कअनुसार सञ्चालनमा रहेका ५४ वटा संस्थाहरूको कुल निक्षेप सात खर्ब २४ अर्ब ३४ करोड ५० लाख रूपैयाँ बढेको छ । कर्जा प्रवाह भने दुई खर्ब ८७ अर्ब ९० करोड ४० लाख रूपैयाँले बढेको छ । निक्षेप सङ्कलन र कर्जा प्रवाहको बीचमा पाँच खर्ब रूपैयाँको फरक देखिएको छ ।

बैंक तथा वित्तीय संस्थाको कुल निक्षेप रकम ६४ खर्ब ९५ अर्ब ५८ करोड ३० लाख रूपैयाँ पुगेको छ । यो निक्षेप अघिल्लो आर्थिक वर्षको तुलनामा सात खर्ब २४ अर्ब ३४ करोड ५० लाख रूपैयाँले बढी हो । अघिल्लो आर्थिक वर्षमा बैंकिङ क्षेत्रको कुल निक्षेप रकम ५७ खर्ब ७१ अर्ब २३ करोड ८० लाख रूपैयाँ रहेको थियो । गत आर्थिक वर्षमा बैंकिङ क्षेत्रको कुल कर्जा रकम भने ५१ खर्ब ६१ अर्ब ७१ करोड १० लाख रूपैयाँ पुगेको छ । यो कर्जा रकम अघिल्लो आर्थिक वर्षको तुलनामा दुई खर्ब ८७ अर्ब ९० करोड ४० लाख रूपैयाँले बढी हो । अघिल्लो आर्थिक वर्षमा बैंकिङ क्षेत्रको कुल कर्जा रकम ४८ खर्ब ७३ अर्ब ८० करोड ७० लाख रूपैयाँ थियो ।

वाणिज्य बैंकहरूले मात्र भने गत आर्थिक वर्षमा ५७ खर्ब ५६ अर्ब ८० करोड ९० लाख रूपैयाँ निक्षेप सङ्कलन गरेका छन् । यो निक्षेप अघिल्लो आर्थिक वर्षको तुलनामा छ खर्ब ७० अर्ब ५६ करोड ५० लाख रूपैयाँले बढी हो । सो वर्ष वाणिज्य बैंकहरूले कुल ५० खर्ब ८६ अर्ब २४ करोड ४० लाख रूपैयाँ निक्षेप संकलन गरेका थिए । गत आर्थिक वर्षमा वाणिज्य बैंकहरूको कुल कर्जा रकम ४५ खर्ब ६० अर्ब ५८ करोड ८० लाख रूपैयाँ पुगेको छ । जुन अघिल्लो आर्थिक वर्षको तुलनामा दुई खर्ब ५१ अर्ब ५९ करोड ८० लाख रूपैयाँले बढी हो । सो वर्ष वाणिज्य बैंकहरूको कुल कर्जा प्रवाह ४३ खर्ब आठ अर्ब ९९ करोड रूपैयाँ थियो ।

विकास बैंकहरूको छ खर्ब १० अर्ब १७ करोड १० लाख रूपैयाँ निक्ष्ोप सङ्कलन गरेका छन् । यो निक्षेप अघिल्लो आर्थिक वर्षको तुलनामा ३८ अर्ब ५९ करोड ८० लाख रूपैयाँले बढी हो । अघिल्लो आर्थिक वर्षमा विकास बैंकहरूको कुल निक्षेप रकम पाँच खर्ब ७१ अर्ब ५७ करोड ३० लाख रूपैयाँ रहेको थियो । आर्थिक वर्ष २०८०÷८१ विकास बैंकहरूको कुल कर्जा रकम पाँच खर्ब एक अर्ब ४३ करोड २० लाख रूपैयाँ छ । यो कर्जा अघिल्लो आर्थिक वर्षको तुलनामा २९ अर्ब ५४ करोड ६० लाख रूपैयाँले बढी हो । अघिल्लो आर्थिक वर्षको विकास बैंकहरूको यस्तो कर्जा रकम चार खर्ब ७१ अर्ब ८८ करोड ६० लाख रूपैयाँ थियो ।

गत आर्थिक वर्षमा फाइनान्स कम्पनीहरूको कुल निक्षेप एक खर्ब २८ अर्ब ६० करोड ३० लाख रूपैयाँ छ । जुन अघिल्लो आर्थिक वर्षको तुलनामा १५ अर्ब १८ करोड १० लाख रूपैयाँले बढी हो । अघिल्लो आर्थिक वर्षमा फाइनान्स कम्पनीहरूको कुल निक्षेप एक खर्ब १३ अर्ब ४२ करोड २० लाख रूपैयाँ थियो । फाइनान्स कम्पनीहरूले प्रवाह गरेको कुल कर्जा ९९ अर्ब ६९ करोड १० लाख रूपैैयाँ पुगेको छ । जुन अघिल्लो आर्थिक वर्षको तुलनामा छ अर्ब ७६ करोड रूपैयाँले बढी हो । अघिल्लो आर्थिक वर्षमा कुल कर्जा प्रवाह ९२ अर्ब ९३ करोड १० लाख रूपैयाँ थियो ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments