कोशी प्रदेशका मुख्यमन्त्रीले भ्रम फैलाएको पुर्वमुख्यमन्त्रीको आरोप
शंकर लुइँटेल २०८१, भदौ १८ १०:४४ 
विराटनगर । कोशी प्रदेशका मुख्यमन्त्री हिक्मत कार्कीले पहिले नै भइसकेको काम आफूले गरेको भनेर भ्रम छर्ने गरेको पुर्वमुख्यमन्त्री केदार कार्कीले आरोप लगाएका छन् । दश वर्षमुनिका बालबालिकाको निःशुल्क उपचार, महिला स्वास्थ्य स्वयंसेविका र शैलजा आचार्य हृदयरोग केन्द्रका लागि बजेट व्यवस्थापन गरी ती कार्यक्रमलाई प्रादेशिक अस्पतालबाट निरन्तरता दिएको भनी मुख्यमन्त्रीले झूठो भ्रम छरेको उनको आरोप छ । गर्दै नगरेको कार्यलाई गरेको भन्दै जनतालाई असत्य जानकारी प्रवाहित गरेर सरकार आफैँ झूटको जगमा उभिएको पुर्वमुख्यमन्त्री कार्कीले बताए । गत शुक्रबार प्रदेशसभा बैठकको विशेष समयमा बोल्दै उनले आफू नेतृत्वको सरकारले कोशी प्रदेशभित्रका चारवटा ठूला स्वास्थ्य संस्थासँग सम्झौता गरेर दश वर्षमुनिका बालबालिकाको निःशुल्क उपचारका लागि विशिष्टीकृत सेवा प्रदान गर्दै आएको बताए । हालको मुुख्यमन्त्री हिक्मत कार्की नेतृत्वको प्रदेश सरकारले प्रादेशिक अस्पतालमार्फत निःशुल्क उपचार सेवा सञ्चालनका लागि चार करोड २९ लाखको बजेट विनियोजन गरिएको भन्ने भ्रम छर्ने दुष्प्रयास गरिएको उनको आरोप छ ।
पूर्व मुख्यमन्त्री कार्कीले आफूले ल्याएको दश वर्षमुनिका बालबालिकाको निःशुल्क उपचार कार्यक्रम गत वर्षको माघदेखि सञ्चालनमा आएको भए पनि वर्तमान मुख्यमन्त्रीले यो कार्यक्रमलाई रोकेको बताए । शैलजा आचार्य हृदय रोग केन्द्रमा हालसम्म बजेट र जनशक्तिका अभावमा इन्डोर सेवा सञ्चालन हुन नसकेको भन्दै उनले प्रदेश स्वास्थ्य मन्त्रालयले यसका लागि बजेटसमेत नदिएको उल्लेख गरे । यस्तै, उनले वर्तमान मुख्यमन्त्रीले अघिल्लो वर्षको कडा रोग सहायता कार्यक्रमअन्तर्गतको पाँच करोड रुपैयाँको बजेट एक महिनामा नै आफ्ना नेता, कार्यकर्ता र नाता–सम्बन्धका व्यक्तिलाई पँजनी गरेको आरोप लगाएका थिए ।
क्याटेगोरी : समाचार, कोशी प्रदेश
ट्याग : #Page 8
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया