कर्जाको माग न्युन हुँदा आयात–निर्यात कर्जा अपेक्षा गरेअनुसार बढ्न सकेको छैन । अर्थतन्त्र चलायमान बन्न नसक्दा बजारमा वस्तु तथा सेवाको माग न्यून छ । आयात भएको सामान तत्काल बिक्री हुने स्थिति नभएपछि व्यवसायीहरूले कर्जा लिएर वस्तु आयात गर्न सकिरहेका छैनन् । त्यसैले बैंकहरूले आयात–निर्यातमा प्रवाह गरेको कर्जामा कमी आएकोे छ ।
राष्ट्र बैंकका अनुसार आर्थिक वर्ष २०८०÷८१ मा सञ्चालनमा रहेका ५४ वटा संस्थाहरूले आयात–निर्यात अर्थात् ट्रस्ट रिसिट क्षेत्रमा कुल ८२ अर्ब ८३ करोड ५० लाख रूपैयाँ मात्र कर्जा प्रवाह गरेका छन् । यस अवधिमा बैंकिङ क्षेत्रको कुल कर्जा रकम ५१ खर्ब ६१ अर्ब ७१ करोड रूपैयाँ पुगेको भए पनि आयात–निर्यात क्षेत्रमा कर्जामा मागमा कमी आउँदा यस्तो कर्जा रकम ८० अर्बको हाराहारीमा देखिएको हो ।
आयात–निर्यात क्षेत्रमा प्रवाह भएको कुल कर्जा रकम अघिल्लो आर्थिक वर्षको तुलनामा नौ अर्ब २५ करोड ७० लाख रूपैयाँले मात्र बढी हो । बैंक तथा वित्तीय संस्थाहरूले कुल ४८ खर्ब ७३ अर्ब ८० करोड ७० लाख रूपैयाँ कर्जा प्रवाह गर्दा आयात–निर्यात क्षेत्रमा मात्र प्रवाह गरेको कुल कर्जा रकम ७३ अर्ब ५७ करोड ८० लाख रूपैयाँ थियो ।
आर्थिक वर्ष २०८०÷८१ मा कुल ४५ खर्ब ६० अर्ब ५८ करोड ८० लाख रूपैयाँ कर्जा प्रवाह गर्दा आयात–निर्यात क्षेत्रमा मात्र ८२ अर्ब ७१ करोड ७० लाख रूपैयाँ कर्जा प्रवाह गरेका छन् । यो कर्जा अघिल्लो आर्थिक वर्षको तुलनामा नौ अर्ब २५ करोड १० लाख रूपैयाँले बढी हो । अघिल्लो आर्थिक वर्षमा वाणिज्य बैंकहरूले कुल ४३ खर्ब आठ अर्ब ९९ करोड रूपैयाँ कर्जा प्रवाह गरेकोमा आयात–निर्यात क्षेत्रमा मात्र भने कुल ७३ अर्ब ४६ करोड ६० लाख रूपैयाँ कर्जा प्रवाह गरेका छन् ।
विकास बैंकहरूले भने आर्थिक वर्ष २०८०÷८१ कुल पाँच खर्ब एक अर्ब रूपैयाँको हाराहारीमा कर्जा प्रवाह गरेको भए पनि आयात–निर्यात क्षेत्रमा प्रवाह गरेको कर्जा रकम भने शून्य छ । अघिल्लो आर्थिक वर्षमा पनि विकास बैंकहरूले कुल चार खर्ब ७१ अर्ब रूपैयाँको हाराहारीमा कर्जा प्रवाह गर्दा आयात–निर्यातमा प्रवाह गरेको कर्जा शून्य थियो ।
फाइनान्स कम्पनीहरूले भने आर्थिक वर्ष २०८०÷८१ मा कुल ९९ अर्ब ६९ करोड रूपैयाँ हाराहारी कर्जा प्रवाह गर्दा आयात–निर्यात क्षेत्रमा ११ करोड ८० लाख रूपैयाँ मात्र कर्जा प्रवाह गरेका छन् । जुन अघिल्लो आर्थिक वर्षको तुलनामा ६० लाख रूपैयाँले मात्र बढी हो । अघिल्लो आर्थिक वर्षमा फाइनान्स कम्पनीहरूले कुल ९२ अर्ब ९३ करोड रूपैयाँको हाराहारीमा कर्जा प्रवाह गर्दा आयात–निर्यात क्षेत्रमा भने ११ करोड २० लाख रूपैयाँबराबरको कर्जा प्रवाह भएको थियो ।
क्याटेगोरी : समाचार
ताजा अपडेट
- विश्व बैंकका उच्च अधिकारी र उपप्रधानमन्त्री सिंहबीच भेटवार्ता
- राष्ट्रसङ्घको महासभामा भाग लिने विषयमा प्रधानमन्त्रीद्वारा सदनलाई जानकारी
- नवप्रवर्तन र प्रविधिको विकास सरकारको प्राथमिकतामा: मन्त्री दाहाल
- इन्द्रजात्राको अवसरमा कन्या कुमारीहरुको सामूहिक पूजा सम्पन्न
- पोखरा उद्योग वाणिज्य संघको अध्यक्षमा कार्की निर्वाचित
- ‘नेपाली वस्तुको तेस्रो मुलुकमा निर्यात अत्यन्तै न्यून’
- सैंबु खानेपानी तथा उपभोक्ता समितिको अध्यक्षमा थापा
- नेपाल मेडिकल कलेजको अध्यक्षमा अन्सारी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया