निरन्तर बदनामी खेप्दै आएको नेपाल वायुसेवा निगमको वासलात पनि नकारात्मक रहेको छ । निगमको वासलात विगत पाँच वर्षदेखि निरन्तर घाटामा रहेको छ । सरदर वार्षिक दुई अर्ब सात करोड ६२ लाख रुपैयाँ घाटा बेहोर्दै आएको निगम आर्थिक वर्ष २०७९÷८० मा सबैभन्दा बढी खुद नोक्सान व्यहोर्ने संस्थानहरुमा परेको छ ।
आर्थिक वर्ष २०७९÷८० मा खुद नोक्सानी घटे पनि संस्थानको वित्तीय अवस्था सन्तोषजनक रहेको छैन । वित्तीय संस्थाबाट कर्जा लिई खरिद गरिएका जहाजको साँवा र ब्याज भुक्तानी गर्न समस्या हुनु, उच्च प्रशासनिक खर्च, जहाजको न्यून सञ्चालन, समयमा उडान नहुनु, व्यावसायिक योजनाको न्यून कार्यान्वयनजस्ता कारणले गर्दा निगमको वित्तीय अवस्था कमजोर रहेको निगमका अधिकारीहरु बताउँछन् । घाटामा गएकै कारण निगम ऋण भुक्तानी गर्ने अवस्थामा समेत देखिँदैन जसले गर्दा ऋणको ब्याजसहित ऋणको आकारमा वृद्धि हुँदै जाने निश्चित रहेको छ । ऋणको आकार समेत ठूलो हुँदा ऋणको ब्याज पुँजीकरणले समेत निगम आर्जन गरेको नाफामा ठूलो असर परेको देखिन्छ । निगमले ऋण भुक्तानी गरी पुँजीमा परिवर्तन गर्नु अथवा ऋणको ब्याज कम गर्नुपर्ने देखिन्छ । आर्थिक वर्ष २०७८÷७९ सम्म निगमको कुल ऋण ३६ अर्ब तीन करोड ९२ लाख रुपैयाँ रहेको छ ।
निगम आर्थिक वर्ष २०७९÷८० मा ६५ करोड २९ लाख रुपैयाँ, आर्थिक वर्ष २०७८÷७९ मा तीन अर्ब ६६ करोड ३० लाख रुपैयाँ, आर्थिक वर्ष २०७७÷७८ मा तीन अर्ब ८९ करोड ८३ लाख रुपैयाँ नोक्सानी बेहोरेको छ भने निगमले सोभन्दा अघिल्लो समयमा अर्थात् आर्थिक वर्ष २०७६÷७७ मा एक अर्ब ९६ करोड ५४ लाख रुपैयाँ र आर्थिक वर्ष २०७५÷७६ मा ३० करोड १७ लाख रुपैयाँ नोक्सानी बेहोरेको छ । अर्कोतर्फ प्रशासनिक खर्च समेत उच्च हँुदा निगममाथि वित्तीय भार बढ्दै गएको हो । आर्थिक वर्ष २०७९÷८० मा निगमको कर्मचारी तथा कार्यालय आदि गरी कुल प्रशासनिक खर्च तीन अर्ब ६७ करोड २० लाख रुपैयाँ रहेको छ ।
निगममा हुने भ्रष्टाचारका कारण निगम धराशायी हुँदै गएको छ । वाइड बडी खरिद प्रकरण होस् वा विमान मर्मतसम्भार र पछिल्लो सयम मर्मतका लागि भन्दै एकैपटक दुईवटा वाइड बडी (ए३३०) (नाइन एन एएलवाइ र नाइन एन एलजेट) विमान ग्राउन्डेड गरिएको छ यस्ता विविध कारणले गर्दा निगम आर्थिक रुपमा धराशायी बन्दै गएको छ । चाडबाड नजिकिएको समयमा निगमको व्यवसाय उच्च हुने अवस्थामा विमान ग्राउन्डेड गरेसँगै निगमको सार्वजनिकरुपमा आलोचना भएको छ । निगम र कार्यकारी अध्यक्ष युवाराज अधिकारीलाई स्पष्टीकरण सोधिएको छ ।
संस्कृति पर्यटन तथा नागरिक उड्डयान मन्त्री बद्री पाण्डेको निर्देशनमा मन्त्रालयले निगमका कार्यकारी अध्यक्षसँग वाइड बडी विमानको सेवा बन्द र निगमका अवस्था र बेथितिको बारेमा ११ बुँदे स्पष्टीकरण सोधिएको थियो । सोसँगै निगमका कार्यकारी अध्यक्ष अधिकारीले २९ पृष्ठको स्पष्टीकरण दिएका छन् । मन्त्रालयले गत १२ गते उनलाई सात दिने स्पष्टीकरण सोधेको थियो र बुधबार उनले २९ पृष्ठको जवाफ बुझाएका मन्त्रालय स्रोतले जानकारी दिएको छ । निगमको जहाज २२ जुन २०२४ मा काठमाडौंबाट दुबई हुँदै इटालीस्थित मर्मतसम्भार र परीक्षण (एमआरओ)मा मर्मतको लागि पठाइएकोमा क्यानबाट इटालीको एमआरओ अटिटेकको प्रमाणीकरण प्राप्त नभएको हुँदा तत्काल २४ जुन २०२४ देखि कार्य सुरु हुन सकेको भने छैन ।
क्याटेगोरी : समाचार
ट्याग : #Page 1
ताजा अपडेट
- चालु १६औँ अधिवेशनमा राष्ट्रियसभाबाट १२ वटा विधेयक पारित
- सरकारको ध्यान राजनीतिक स्थिरतासँगै नीतिगत स्थिरतामा केन्द्रित छः उपप्रधानमन्त्री पौडेल
- विदेशी लगानी प्रवर्द्धन र व्यापार विस्तारमा ध्यान दिन जरुरी छ: मन्त्री भण्डारी
- असोज २ गते मुख्यमन्त्री कार्कीले विश्वासको मत लिने
- भारतलाई चिढ्याउने बाङ्ग्लादेशको ‘मेगाफोन कूटनीति’ के हो?
- अन्तत: २५ सय बिन्दुमा खुम्चियो शेयर बजार
- पाँचथरमा मृतक दुई बालबालिकाका परिवारलाई पाँच-पाँच लाख दिइने
- विश्व बैंकका उच्च अधिकारी र उपप्रधानमन्त्री सिंहबीच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया