मेची–महाकाली राष्ट्रिय उद्धार यात्राको पाँचौँ दिन सप्तरीबाट १३ जनाको उद्धार
काठमाडौं । मेची–महाकाली राष्ट्रिय उद्धार यात्राको पाँचौँ दिन शुक्रबार मधेश प्रदेशअन्तर्गत सप्तरीबाट १३ जनाको उद्धार भएको छ ।
‘यो पटकको चाडपर्वमा कसैले बस्न नपरोस् सडकपेटीमा’ भन्ने भावनासहित मानवसेवा आश्रम र आनी छोइङ डोल्मा फाउन्डेसनको संयुक्त आयोजनामा यात्रा सुरु भएको हो । मेची–महाकाली राष्ट्रिय उद्धार यात्राअन्तर्गत शुक्रबार राजविराज नगरपालिका वडा–७ बाट चार जना, वडा– ६ बाट चार जना र वडा– १ बाट एक गरी आठ जना र सप्तकोशी नगरपालिका–१ बाट पाँच जनाको उद्धार गरिएको छ । उद्धार भएका ११ जना पुरुष र दुई जना महिलालाई आजै मानवसेवा आश्रम सर्लाही सेवाकेन्द्रमा गृह प्रवेशका लागि लगिएको छ । उद्धार टोली शनिबार लहान र जनकपुरधाम क्षेत्रमा बेवारिसे अवस्थामा रहेका मानवहरूको उद्धार सेवामा रहनेछ ।
उद्धार यात्रा टोली तथा स्थानीय जनप्रतिनिधिद्वारा शुक्रबार बिहान संयुक्तरूपमा सचेतनामूलक र्याली प्रदर्शनसहित राजविराज नगरपालिकाको परिक्रमा गर्दै नगरपालिकाको प्राङ्गणमा जम्मा भई राष्ट्रिय उद्धार यात्राको उद्देश्यबारे जानकारी गराइएको थियो । मानवसेवा आश्रमका संस्थापक अध्यक्ष रामजी अधिकारीले चाडपर्वको समयमा सडकआश्रित मानवहरूको उद्धार गरी उपचार, संरक्षण तथा सुन्दर पारिवारिक पुनर्मिलन गराउने उद्देश्यका साथ यात्रा सुरु गरिएको बताउँदै सहयोगका लागि सरोकारवाला सबैलाई आग्रह समेत गरे । साथै, उनले यात्राका क्रममा जनप्रतिनिधि, प्रहरी प्रशासन, पत्रकार, विभिन्न संघसंस्थाबाट अपार माया र सहयोग पाएको भन्दै खुशी व्यक्ति गरेका छन् ।
भेटघाट कार्यक्रममा जनमत पार्टी मधेश प्रदेशका संसदीय दलका नेता एवम् पूर्वमन्त्री महेश प्रसाद यादवले मानवीय सेवामा समर्पित अभियान्ताहरूलाई धन्यवाद व्यक्त गर्दै प्रदेश सरकारबाट हुने सहयोगका लागि पहल गर्ने तथा आफ्नोतर्फबाट समेत आवश्यक सहयोग गर्न प्रतिबद्ध रहेको बताएका छन् ।
उक्त कार्यक्रममा आनी छोइङ डोल्मा फाउन्डेसनकी संस्थापक आनी छोइङ डोल्मा, जिल्ला समन्वय समिति सप्तरीका प्रमुख शिवनारायण साह, राजविराज नगरपालिकाकी कार्यवाहक नगरप्रमुख इसरत परविन, प्रमुख जिल्ला अधिकारी मेख बहादुर मंग्राती, सप्तरीका प्रहरी प्रमुख एसपी ढकेन्द्र खतिवडा, राष्ट्रिय अनुसन्धान आयोग सप्तरीका प्रमुख अनुसन्धान उपनिर्देशक सुरेन्द्र कोइराला, जसपाकी केन्द्रीय सदस्य रमिलादेवी साहलगायतकोउपस्थिति रहेको थियो ।
क्याटेगोरी : समाचार, मधेश प्रदेश
ट्याग : #Page 8
ताजा अपडेट
- निषेधाज्ञा तोडेर कास्कीमा रास्वपाले गर्यो प्रदर्शन
- पूर्वगृहमन्त्री लामिछानेलाई कास्की जिल्ला अदालतमा उपस्थित गराइँदै
- ज्वलनपीडितको निःशुल्क उपचार प्रयासमा सरकार
- कर्णालीमा एक हजार सात सय बढी नयाँ उद्योग दर्ता
- राजस्व सङ्कलनको लक्ष्य पूरा गर्नेतर्फ उन्मुख वीरगञ्ज भन्सार
- चिनियाँ नेताको प्रधानमन्त्री ओलीसँग भेट
- हालसमम्मकै उच्च बिन्दुमा पुग्यो सुनको मूल्य
- काठमाडौंले काठमाडौं बचाउन सक्ला ?
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया