नेपाल आएको भारतीय विमानमा बम राखिएको धम्की
भारतमा आठ दिनमा एक सय ७० भन्दा बढी विमानमा बम राखेको नक्कली सूचना
काठमाडौं । दिल्लीबाट उडेर साढे ४ बजे काठमाडौं आइपुगेको भारतीय विमान कम्पनी भिस्तारा एयरको विमानमा बम राखेको हल्ला फैलिएपछि मंगलबार साँझ त्रिभुवन अन्तर्राष्ट्रिय विमानस्थलको सेवा केही समय अवरुद्ध भयो । तर केही समयमै बम भएको सूचना प्राप्त भएको विमानलाई अलग्गै राखी उडान नियमितरूपमा सञ्चालन गरियो ।
नेपाली सेनाको विस्फोटक पदार्थ निष्क्रिय गर्ने विशेष टोलीले विमानको खानतलासी ग¥यो । तर, विमानमा सूचना आएअनुसार बम फेला परेन । भिस्ताराको उडान नम्बर ‘यूके १५५’ भएको उक्त विमानमा बम राखेको सूचना ह्वाट्स एपमार्फत दिल्लीबाटै आएको थियो ।
नेपाल नागरिक उड्डयन प्राधिकरणका सूचना अधिकारी ज्ञानेन्द्र भूलले बम भएको हल्ला भएपछि भिस्ताराको विमानको खानतलासी गरिएको र शंकास्पद वस्तु फेला नपरेको जानकारी दिए ।
करिब तीन घण्टा लगाएर नेपाली सेनाले गरेको अनुसन्धानबाट जहाज सुरक्षित र खतरामुक्त भएको पाइएपछि विमान फेरि दिल्ली उडेको थियो । भिस्ताराको यो जहाज मंगलबार अपराह्न दिल्लीबाट एक सय ५७ जना यात्रु बोकेर काठमाडौं आएको थियो ।
रोकिएन भारतीय विमानहरूमा बमको धम्की
केही दिनयता भारतीय एयरलाइन्सहरूमा बम राखिएको झुटो धम्की आइरहेको छ । यसले भारतीय विमानका यात्रुहरूमा त्रास फैलाउनुका साथै विश्वव्यापी उडानमा जोखिम निम्त्याएको छ । अहिलेसम्म जहाजहरू सुरक्षित अवतरण भए पनि धम्कीको शृङ्खला रोकिएको छैन ।
भारत सरकार र नागरिक उड्डयन अधिकारीहरूले हल्ला फैलाउनेलाई अत्यन्त कडा कारबाही गरिने चेतावनी दिएका छन् । अक्टोबर १३ देखि आन्तरिक र अन्तर्राष्ट्रिय उडानलाई लक्षित गरी अक्टोबर २२ सम्म एक सय ७० भन्दा बढी विमानलाई यस्तो धम्की दिइएको छ ।
मंगलबार मात्रै ५० भन्दा बढी उडानमा बमको धम्की आएको थियो । भारतीय सञ्चार माध्यमहरूका अनुसार इन्डिगो, विस्तारा र एयर इन्डिया (एआई)को घरेलु तथा अन्तर्राष्ट्रिय उडानमा यस्तो धम्की आएको थियो । मंगलबार एयर इन्डिया र इन्डिगोका १३/१३ उडान, एयर इन्डियाका १२ वटा र विस्ताराका ११ उडानलाई धम्की आएको थियो ।
भारतका नागरिक उड्डयन मन्त्री राममोहन नायडूले सबै धम्कीहरू नक्कली भएको भए पनि यस्तो हल्ला फैलाउनेहरूलाई हल्कारूपमा नलिने र यसविरुद्ध कडा कानुन ल्याउने तयारी भइरहेको बताएका छन् । उनले यस्तो धम्की दिनेहरूको नाम ‘नो फ्लाई लिस्ट’मा समावेश गर्न सकिने बताए ।
एक हप्तामा दुई अर्बबढीको नोक्सानी
विमानमा बम भएको सूचना पाएपछि एक हप्तामा दुई सय करोड भारुभन्दा बढीको नोक्सानी हुने अनुमान गरिएको छ । इन्धन खपत, विमानको रि–चेकिङ, यात्रुलाई होटलमा राख्ने र गन्तव्यमा पु¥याउने व्यवस्था गर्दा खर्च बढेर जान्छ ।भारतमा विस्तारा, एयर इन्डिया, इन्डिको, अकासा, स्पाइसजेट, स्टार एयर र एलायन्स एयरका उडानहरूमा धम्की आएको छ ।
क्याटेगोरी : समाचार
ट्याग : #Page 1
ताजा अपडेट
- नेपालको विपद् व्यवस्थापनमा बिश्व बैंकले १५० मिलियन अमेरिकी डलर सहुलियतपूर्ण ऋण सहायता प्रदान गर्ने
- प्रमुख प्रतिपक्षसहितका दलहरूले राष्ट्रपति भेटे
- रसुवागढी र तातोपानी नाका अझै ठप्प, नेपाल-चीन व्यापारमा ठूलो घाटा
- सरकारका १०० दिन : ‘सहकारी ठगलाई कारबाहीदेखि विपद्पछि राहतको कामसम्म’
- कांग्रेस र एमाले मिलेर बनेको सरकार ढल्ने दिवा सपना कसैले नदेखे हुन्छ: प्रधानमन्त्री
- सहकारीको रकम ठगी गर्ने भ्रष्टाचारीमाथि कारबाही हुन्छ: प्रधानमन्त्री
- काभ्रेमा सञ्चालित एक सय खानेपानी आयोजनाको एक अर्ब बराबरको क्षति
- पुन: खुम्चियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया