एमाले नेता पोखरेल जोडिएको उमागौरी सहकारीका १० जनाविरुद्ध पक्राउ पुर्जी

काठमाडौं । मोरङको धनपालथान गाउँपालिकामा रहेको उमागौरी कृषि सहकारी संस्थाका १० जनाविरुद्ध पक्राउ पुर्जी जारी भएको छ । उनीहरूविरुद्ध जिल्ला अदालत मोरङबाट पक्राउ पुर्जी जारी भएसँगै प्रहरीले अनुसन्धान थालेको हो ।

संसद्को सार्वजनिक लेखा समिति सभापति तथा एमाले नेता ऋषिकेश पोखरेलको समेत नाम आइरहेको यस उमागौरी सहकारीमा पूर्वसञ्चालक समेत रहेकी पोखरेल पत्नी अञ्जला कोइराला सहकारीको कालोसूचीमा छिन् । कोइरालाले सहकारी संकटमा परेपछि ५ माघ २०७८ मा सञ्चालकबाट राजीनामा दिएकी थिइन् ।

प्रहरी स्रोतका अनुसार सहकारी ठगी प्रकरणको अनुसन्धानका लागि सहकारीका वर्तमान सञ्चालक समितिका सात सदस्यहरू अध्यक्ष शम्भुप्रसाद रौनियार, उपाध्यक्ष लक्ष्मण साह, सचिव आलम अन्सारी मियाँ र कोषाध्यक्ष शम्भुप्रसाद सिंह सदस्यहरू आमोद मण्डल, रोशन राजवंशी र जितमान ठाकुरविरुद्ध पक्राउ पुर्जी जारी भएको छ ।

त्यस्तै, लेखा समितिका तीन सदस्यहरू लेखा समिति संयोजक विजयकुमार यादव तथा सदस्यहरू सुरेन्द्रकुमार राजवंशी र अशोककुमार विश्वासविरुद्ध पनि पक्राउ पुर्जी जारी भएको छ । सहकारीले विभिन्न बैंक तथा वित्तीय संस्थाबाट ११ करोड ५६ लाख ७८ हजार रुपैयाँ ऋण लिएको र फिर्ता गर्नुपर्ने बचत दुई करोड तीन लाख ५४ हजार एक सय ५६ रुपैयाँ छ । १८ करोड ४० लाख कुल पुँजी देखाइएको सहकारीको वासलात रिपोर्टमा १७ करोड ८७ लाख ४२ हजार कर्जा तथा सापट लगानी रहेको देखाइएको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments