नक्कली भारतीय एक लाख ४४ हजार भारुसहित तीन जना पक्राउ
झापा, असार ३०
नक्कली भारतीय रुपैयाँसहित तीन व्यक्ति पक्राउ परेका छन् । नक्कलीजस्तो देखिने एक लाख ४४ हजार भारतीय नोटसहित तीन जनालाई आइतबार दिउँसो प्रहरीले पक्राउ गरेको हो । केन्द्रीय प्रहरी समाचार कक्ष नक्सालका अनुसार इलाका प्रहरी कार्यालय अनारमनीबाट खटिएको प्रहरी टोलीले मौसम श्रेष्ठसहित तीन व्यक्तिलाई पक्राउ गरेको हो ।
प्रहरीका अनुसार पक्राउ पर्नेहरुमा कन्काई नगरपालिका ४ बस्ने २८ वर्षीय खुर्सैद आलम, सोही नगरपालिका ३ बस्ने ४३ वर्षीय मौसम श्रेष्ठ र झापा गाउँपालिका ५ बस्ने २४ वर्षीय एराजुल हक रहेका छन् । खुर्सैद आलम र मौसम श्रेष्ठ मिलेर भारतीय नक्कली नोट कारोबार गर्न लागेको भन्ने सूचनाको आधारमा इलाका प्रहरी कार्यालय अनारमनीबाट खटिएको प्रहरीले मौसम श्रेष्ठलाई निजको घरमै फेला पारी तलासी गर्दा पाँच सय दरका दुुई सय ८८ थानमा रहेका उक्त नोट फेला पारी शनिबार पक्राउ गरेको प्रहरीले जनाएको छ ।
साथै उक्त कारोबारमा खुर्सैद आलम र एराजुल हक समेत संलग्न रहेको अनुसन्धानबाट खुल्न आएपछि आलम र हकलाई समेत सुरुंगा बजारबाट प्रहरीले पक्राउ गरेको हो । उनीहरुको साथबाट २० हजार पाँच सय नेपाली रुपैयाँ समेत प्रहरीले बरामद गरेको छ । यस सम्बन्धमा प्रहरीले थप अनुसन्धान गरिरहेको जानकारी दिएको छ ।
क्याटेगोरी : समाचार
ताजा अपडेट
- ज्योति विकास बैंकका ग्राहकलाई कुटी रिसोर्टमा छुट
- आयोगद्वारा नेपाली नागरिकता त्याग गर्नेकोे विवरण माग
- सशस्त्र प्रहरीको सेटिङमा सीमा नाकामा तस्करी !
- गरिबी निवारणको एकीकृत कार्यक्रमको तयारी
- परिवर्तित नेपाली समाज र यसका असर
- के कस्ता छन् ? नेपाली पुँजीबजारका समस्याहरू
- आर्थिक गतिविधि घट्दो, सञ्चिति बढ्दो
- अवैध लागुऔषध सहित पाँच जना पक्राउ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया