रामहरी चौलागाइँ
काठमाडौं, असार ३०
तिलगंगा आँखा अस्पतालले अप्रेसनको नाममा सर्वसाधारण नागरिकसँग अनावश्यक शुल्क लिएको पाइएको छ । अस्पतालले एउटा साधारण बिरामीको अप्रेसन गर्दा कम्तीमा छ हजार पाँच सय शुल्क लिने गरेको छ । त्यसमा औषधिको व्यवस्था बिरामी स्वमले गर्नुपर्छ । अप्रेसनसहितको सबै रकम जोड्दा करिब १० हजारसम्म खर्च हुने गरेको भुक्तभोगीहरू बताउँछन् ।
१९ असारमा आँखाको बाहिरी भागमा सानो मासुको डल्लो पलाएको समस्या लिएर अस्पताल पुगेकी दाङकी ममता शर्माले १५ मिनेटको बीचमा सात हजार पाँच सयभन्दा बढी शुल्क बुझाउनु प¥यो । जब कि उनको आँखाको अपे्रसन गर्न डाक्टरलाई १५ मिनेटको समय पनि लागेको थिएन । अस्पतालमा दैनिकरूपमा यस्ता समस्या लिएर आउने सयौँ बिरामीको अप्रसेन हुनेगरेको छ ।
अप्रेसनअघि रगत परीक्षण शुल्क भनेर १४ सय ५० छुट्टै तिरेको उनले बताइन् । पटकैपिच्छे अस्पताल जाँदा टिकटबापत भन्दै एक सय रुपैयाँ शुल्क त छँदैछ । आँखाको साधरण अप्रेसन गर्नुपरेको खण्डमा पनि डाक्टरहरूले अनावश्यक सामान किन्न लगाउने गरेको दुखेसो उनले गरिन् । अपे्रसनमा आउने हरेक बिरामीलाई डाक्टरहरूले अप्रेसन गर्दा लगाउने गाउनसमेत (हरियो लुगा) किन्न लगाउने गरेका छन । ता कि अस्पतालले अप्रेसन शुल्क लिइसकेपछि त्यसको जोहो आफैँले गनुपर्ने हो ।
अप्रेसनको लागि भनेर एक झोला सामान किन्न लगाइएको तर अप्रेसन गर्नुभन्दा अगाडि डाक्टरले आफूलाई झोलाबाट झिकेर एउटा लठ्याउने सुइ मात्र लगाइएको उनले बताइन् । बाँकी एक झोला सामान कता गायब भयो उनले पत्तो पाउन सकिनन् । बिरामीको अप्रेसनको नाम गरी ल्याइएका तिनै सामान अस्पतालका कर्मचारीले फार्मेसीमा फिर्ता गराउने र रकम बुझ्ने गरेको बताइन्छ । हरेक अप्रेसनका बिरामीमार्फत सामान किन्न लगाएर केही कर्मचारी र डाक्टरहरूसमेत मालामाल हुनेगरेको बताइएको छ ।
बिरामीको लागि भनेर ल्याइएको सामान प्रयोग नभएपछि इमानदारसाथ फिर्ता गर्नुपर्ने अस्पतालका कर्मचारीहरूको दायित्व भए पनि त्यसो गरिँदैन । यिनै प्रयोगमा नआएका सामान अस्पतालका कर्मचारी र फार्मेसीसँगको मिलेमतोमा कमाउ धन्दा बन्दै आइरहेको छ । डाक्टर, फार्मेसी र अस्पतालका केही कर्मचारीको मिलेमतोमा नै यस्तो काम हुनेगरेको अस्पताल स्रोतले जानकारी दिएको छ । यसबाट केही कर्मचारी र डाक्टरहरू मालामाल हुँदै आएका छन् ।
अप्रेसनपछि बिरामीको लागि आवश्यक औषधिका रकम पनि छुट्टै तिर्नुपर्छ । अब प्रश्न उठ्छ १५ मिनेट अप्रेसन गरेको यति महंगो शुल्क किन लिइन्छ ? काठमाडौं उपत्यकामा मात्र नभएर मुलुकबाहिर र छिमेकी मुलक भारतलगायत दक्षिण एसियामा समेत यो तिलगंगा आँखा अस्पातलको चर्चा हुनेगरेको छ । हरेक वर्ष छिमेकी मुलुक भारतबाट पनि सयौं संख्यामा आँखा उपचारको लागि मानिसहरू यहाँ आउने गरेका छन् ।
क्याटेगोरी : समाचार
ताजा अपडेट
- ज्योति विकास बैंकका ग्राहकलाई कुटी रिसोर्टमा छुट
- आयोगद्वारा नेपाली नागरिकता त्याग गर्नेकोे विवरण माग
- सशस्त्र प्रहरीको सेटिङमा सीमा नाकामा तस्करी !
- गरिबी निवारणको एकीकृत कार्यक्रमको तयारी
- परिवर्तित नेपाली समाज र यसका असर
- के कस्ता छन् ? नेपाली पुँजीबजारका समस्याहरू
- आर्थिक गतिविधि घट्दो, सञ्चिति बढ्दो
- अवैध लागुऔषध सहित पाँच जना पक्राउ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया