अर्थमन्त्रीका ज्वाइँको असल छिमेकी भएपछि नेप्से प्रमुख साउदले पाए उन्मुुक्ति
काठमाडौं, असार ३१
नेपाल स्टक एक्सचेन्ज लिमिटेडको वार्षिक कार्यसम्पादन मूल्यांकन कमजोर देखिएको भए पनि हालसम्म पनि कार्यगत सुधार नभएको देखिएको छ । नेप्से उच्च स्रोतका अनुसार सेयर कारोबारलाई अत्याधुनिक, प्रविधियुक्त र सुरक्षित बनाउने उद्देश्यले नेप्सेले ४० करोड रुपैयाँमा सफ्टवेयर खरिद गरेको थियो । उक्त सफ्वेयरको खरिद प्रक्रियामा अनियमितता भएको आशंकामा अर्थ मन्त्रालयले सफ्टवेयर खरिदसम्बन्धी फाइल मन्त्रालयमा तान्यो । तत्कालीन समयमा अर्थ मन्त्रालयअन्तर्गतको अनुुगमन तथा मूल्यांकन महाशाखाले सफ्टवेयर खरिदसम्बन्धी फाइल तानेको थियो ।
त्यो समयमा महाशाखाकी प्रमुुख थिइन्– उपसचिव सीतादेवी दाहाल । उनै दाहाल समेतको सहभागितामा सफ्टवेयर खरिदका सम्बन्धमा छानबिन गरियो । छानबिनले सफ्टवेयर खरिद प्रक्रियामा गलत भएको ठहर गर्दै प्रतिवेदन सार्वजनिक गरेको थियो । नेप्से उच्च स्रोतका अनुसार सोही समयमा अर्थ मन्त्रालयअन्तर्गतको संस्थान समन्वय तथा वित्तीय क्षेत्र व्यवस्थापन महाशाखाले नेप्सेको वार्षिक कार्यसम्पादन मूल्यांकन ग-यो । उक्त मूल्यांंकनलाई राम्रो मान्नको लागि न्यूनतम पनि ५० अंक आउनुपर्थ्यो । स्रोतका अनुसार त्यसमा नेप्सेका प्रमुुख कार्यकारी अधिकृत चन्द्रसिंह साउदको ४० नम्बर मात्र आयो ।
अघिल्लो वर्षमा गरिएको कार्यसम्पादन मूल्यांकन नतिजा कमजोर भएपछि करार सम्झौता रद्द हुुनुुपर्ने स्रोतले बताएको छ । नेप्सेको कामबारे छानबिन भए पनि कुुनै कारबाही भएन । नेप्से प्रमुुख साउदलाई कारबाही नगरिनुुको एउटै कारण हो, शक्ति केन्द्रसँगको बलियो सम्बन्ध । स्रोतका अनुसार नेप्सेका प्रमुख साउद अर्थमन्त्री डा. युुवराज खतिवडाका ज्वाइँ रामशरण खरेलका असल छिमेकी हुुन्, त्यही भएर साउदमाथि कुुनै कारबाही भएन । ‘उनले सम्भावित कारबाहीबाट उन्मुुक्ति पाएका छन्’, स्रोतले भन्यो ।
क्याटेगोरी : समाचार
ताजा अपडेट
- ज्योति विकास बैंकका ग्राहकलाई कुटी रिसोर्टमा छुट
- आयोगद्वारा नेपाली नागरिकता त्याग गर्नेकोे विवरण माग
- सशस्त्र प्रहरीको सेटिङमा सीमा नाकामा तस्करी !
- गरिबी निवारणको एकीकृत कार्यक्रमको तयारी
- परिवर्तित नेपाली समाज र यसका असर
- के कस्ता छन् ? नेपाली पुँजीबजारका समस्याहरू
- आर्थिक गतिविधि घट्दो, सञ्चिति बढ्दो
- अवैध लागुऔषध सहित पाँच जना पक्राउ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया