काठमाडौं, असार ३१
युनिक वाइड इन्टरनेशनल प्रालि र न्युु युनिक इन्टरनेशल प्रालिविरुद्ध ३७ करोड रुपैयाँबराबरको राजस्व छली गरेको अभियोगमा मुुद्दा दायर भएको छ । राजस्व अनुसन्धान विभागले स्थायी लेखा नम्बर ६००५७७८२५ भएको युनिक र स्थायी लेखा नम्बर ३००८४२२३ भएको न्युु युनिकविरुद्ध झूठो तथा नक्कली मूल्यअभिवृद्धि कर बीजक प्रयोग गरी राजस्व छली गरेको अभियोगमा मुुद्दा दायर गरेको हो ।
सोमबार झूठो तथा नक्कली मूल्यअभिवृद्धि कर बीजक प्रयोग गरी राजस्व छली गर्ने युनिक र न्यु युनिकका नाउँमा ३७ करोड ६० लाख २८ हजार सात सय रुपैयाँ बिगो असुल गरी जरिवाना र कैद मागदाबी लिई उच्च अदालत पाटनमा मुुद्दा दर्ता गरिएको विभागले जनाएको छ । ती कम्पनीहरुले वस्तु तथा सेवा खरिद नै नगरी झूठो तथा नक्कली मूल्यअभिवृद्धि कर (भ्याट) बीजक मात्र खरिद गरी मूल्य अभिवृद्धि कर र आयकर समेतको राजस्व चुहावटको कसुर गरेको देखिएको छ ।
विभागका अनुसार ती दुुई कम्पनीहरुले राजस्व चुहावट (अनुसन्धान तथा नियन्त्रण) ऐन, २०५२ को दफा ३ ले निषेधित एवं सोही ऐनको दफा ४ को खण्ड (क), (ख) र (छ) बमोजिम कसुर गरी युनिक वाइड इन्टरनेश्नल प्रालि तथा न्यू युनिक इन्टरनेशनलले मू.अ. करतर्फ १२ करोड ४२ लाख २८ हजार छ सय १७ रुपैयाँ, आयकरतर्फ २२ करोड ८० लाख ५९ हजार तीन सय नौ रुपैयाँ र लाभकरतर्फ दुई करोड ५७ लाख ४० हजार सात सय ७३ रुपैयाँ समेत गरी कुल ३७ करोड ८० लाख २८ हजार सात सय रुपैयाँ राजस्व चुहावट गरेको खुलेको छ ।
‘सोही आधारमा युनिक र न्यु युनिकका सञ्चालक तथा प्रोपाइटर एवं झूठो तथा नक्कली बिल बीजक उपलब्ध गराउने व्यक्ति भुवन पाण्डेलाई उल्लिखित कसुर अपराधमा ३७ करोड ८० लाख रुपैयाँ बिगो र र कैद सजाय समेत मागदाबी लिई उच्च अदालतमा मुुद्दा दायर गरिएको हो’, विभागले भनेको छ । यसैगरी विभागले भैरहवा गल्ला मण्डीस्थित सोनी ज्वेलर्सका प्रोपाइटर सुनिल सुनार र निजका सहयोगी अमित परियार समेतले अवैध सुन चोरी पैठारी गरी राजस्व चुहावट तथा अवैध आर्थिक कारोबार गरेको सूचनाको आधारमा ९९ लाख पाँच हजार रुपैयाँ नगद तथा कागजात समेत बरामद गरी अनुसन्धान कार्य सुरु गरिएको समेत जानकारी दिएको छ ।
क्याटेगोरी : समाचार
ताजा अपडेट
- ज्योति विकास बैंकका ग्राहकलाई कुटी रिसोर्टमा छुट
- आयोगद्वारा नेपाली नागरिकता त्याग गर्नेकोे विवरण माग
- सशस्त्र प्रहरीको सेटिङमा सीमा नाकामा तस्करी !
- गरिबी निवारणको एकीकृत कार्यक्रमको तयारी
- परिवर्तित नेपाली समाज र यसका असर
- के कस्ता छन् ? नेपाली पुँजीबजारका समस्याहरू
- आर्थिक गतिविधि घट्दो, सञ्चिति बढ्दो
- अवैध लागुऔषध सहित पाँच जना पक्राउ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया