महेन्द्र शाही
सोलुखुम्बु, साउन ४
सोलुखुम्बु जिल्लामा आर्थिक वर्ष २०७६/०७७ मा ५४ प्रतिशत विकासे बजेट खर्च भएको छ । कोष तथा लेखा नियन्त्रकको कार्यालय सोलुखुम्बुका अनुसार जिल्लाभर ५४ दशमलव ५४ प्रतिशत रकम खर्च भएको हो । केन्द्र सरकारबाट प्राप्त पुँजीगत रकम ६४ करोड ४९ लाख ३ हजार ५ सय ९९ मध्ये ३५ करोड १७ लाख ३९ हजार ४ सय ८८ रकम खर्चको भएको छ । यो गत वर्षभन्दा २९ दशमलव ७० प्रतिशत कम भएको कार्यालयका सूचना अधिकारी नविन राईले जानकारी दिए ।
यस्तै प्रदेशअन्तर्गतको पुँजीगत रकम १९ करोड २८ लाख ६९ हजारमध्ये ११ करोड १० लाख ८१ हजार ४ सय ९१ खर्च भएको छ । यसरी हेर्दा यस वर्ष प्रदेश सरकारले जिल्लाका लागि पठाएको बजेटको ५७ दशमलव ६० प्रतिशत रकम खर्च भएको छ । जुन अघिल्लो आर्थिक वर्ष २०७५/०७६ को भन्दा २१ दशमलव ९० प्रतिशत कम खर्च भएको हो ।
यस्तै केन्द्रतर्फको चालू रकम ३० करोड ७८ लाख ८५ हजार ६ सय ४२ मध्ये २७ करोड ७८ लाख १५ हजार ९ सय २० खर्च भएको छ । जुन ९७ दशमलव ५४ प्रतिशत हो । प्रदेशतर्फको चालू रकम ५५ करोड १७ लाख ५६ हजारमध्ये ४४ करोड ९३ लाख ८१ हजार ६ सय ७७ खर्च भएको कोष तथा लेखा नियन्त्रकको कार्यालय सोलुखुम्बुले जनाएको छ । सोलुखुम्बुको जिल्लामा विकास निर्माणका लागि विनियोजित बजेटमध्ये ४२ प्रतिशत रकम फ्रिज भएको छ ।
कोरोना भाइरसका कारण देश लकडाउन भएपछि विकास निर्माणको काम ठप्प हुँदा ३७ करोड ४९ लाख ४५ हजार ६ सय रकम फ्रिज भएको कोष तथा लेखा नियन्त्रकको कार्यलय सोलुखुम्बुले जनाएको छ । अघिल्लो आर्थिक वर्ष २०७६/०७७ मा केन्द्र सरकारतर्फको २९ करोड ३१ लाख ६४ हजार १ सय १० रुपैयाँ र प्रदेश सरकारको ८ करोड १७ लाख ८१ हजार ५ सय ८० रुपैयाँ फ्रिज भएको कार्यालयका सूचना अधिकारी राईले जानकारी दिए ।
हिमाली जिल्लामा विकास निर्माणको मुख्य समयमा लकडाउन हुँदा त्यसको प्रत्यक्ष असर परेको निर्माण व्यवसायीको भनाइ छ । सोलुखुम्बुमा आर्थिक वर्षको बजेट कार्यान्वयनको लागि उपयुक्त समय नै फागुनदेखि जेठ महिनालाई मानिछ तर यो समयमा कोरोनाका कारण काम हुन नसकेको बताइएको छ ।
क्याटेगोरी : समाचार
ताजा अपडेट
- सन नेपाल लाइफले पायो आईएसओ-आईईसी २७००१ः२०२२ प्रमाणपत्र
- नेपाल इन्फ्रास्ट्रक्चर बैंकको ऊर्जा ऋणपत्र निष्काशनको बिक्री प्रबन्धकमा एनआईएमबी एस क्यापिटल
- एभरेस्ट बैंकले मनायो ३०औं वार्षिकोत्सव
- कोशी प्रदेशमा ३४ करोड मूल्य बराबरको अन्नबालीमा क्षति
- निगमद्वारा असोज मसान्तसम्मको जहाजको ऋण भुक्तानी
- सनफिस्ट डार्क फ्यान्टसीको चोको फिल्समा विशेष छुट
- मुक्तिनाथ विकास बैंक र आईडिया नेपालबीच साझेदारी
- ग्लोबल आइएमई बैंक र महालक्ष्मी विकास बैंकबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया