घुससहित गोदावरी नगरपालिकाका उपसचिव र इन्जिनियर पक्राउ
काठमाडौं, साउन ६
अख्तियार दुरुपयोग अनुसन्धान आयोगले सेवाग्राहीसँग लिएको घुस रकमसहित ललितपुरको गोदावरी नगरपालिकाका प्रमुख प्रशासकीय अधिकृत (उपसचिव) र सब–इन्जिनियरलाई सोमबार कार्यकक्षबाटै पक्राउ गरेको छ । पक्राउ पर्नेमा उपसचिव कृष्णप्रसाद जैसी र सब–इन्जिनियर किशोर कुमार मोक्तान छन् । निर्माणाधीन आयोजनाको बिल भुक्तानीबापत उनीहरुले घुस रकम लिएका थिए । घुस दिनेले नै अख्तियारलाई खबर गरेको कारण उनीहरु कार्यकक्ष रकमसहित पक्राउ परेका हुन् ।
घुस दिनेहरुले अख्तियारको काठमाडौंको टंगालस्थित केन्द्रीय कार्यालयमा खबर गरेका थिए । सोही टोलीले दिएको रकम नै उनीहरुले घुसबापत लिएको स्रोतले जानकारी दिएको छ । आर्थिक वर्ष सकिएपछि भुक्तानी दिने क्रममा विभिन्न सरकारी कार्यालयले निर्माण व्यवसायी, आपूर्तिकर्ता तथा उपभोक्ता समितिसँग घुस रकम उठाउने गरेको भन्दै अख्तियारले वर्षेनी यो समयमा सक्रियता बढाउने गरेको छ ।
अख्तियारले पछिल्लो एक सातामा स्थानीय तहका कर्मचारीहरुलाई घुस रकमसहित पक्राउ गरिरहेको छ । पक्राउ परेकाहरुमाथि अनुसन्धान गरी अख्तियारले विशेष अदालतमा भ्रष्टाचार मुद्दा दायर गर्नेछ । अख्तियारले आइतबार पनि बाराको जलस्रोत तथा सिँचाइ डिभिजन कार्यालयका सब–इन्जिनियर गजेन्द्र प्रसाद जैसवाल ८० हजार घुस रकमसहित पक्राउ गरेको थियो । अख्तियारको हेटौंडाको टोलीले उनलाई पक्राउ गरेको थियो ।
क्याटेगोरी : समाचार
ताजा अपडेट
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
- बंगलादेशकी पूर्वप्रधानमन्त्री हसिनाविरुद्ध पक्राउ पुर्जी जारी
- भारतमा बिक्री घटेसँगै नोकियाको समग्र कारोबारमा गिरावट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया