बाँके, साउन २८
तीन महिनाअघि नेपालगञ्जमा भेटिएको चाँदीको शिवको मूर्ति चोरी भएको छ । मन्दिरका पुजारी परिवार राति १ बजेसम्म जागे पनि स्थानीयका अनुसार मंगलबार बिहान ३ बजे मूर्ति चोरी भएको हो ।
नेपालगञ्ज वडा नं. ७ स्थित मन्दिरछेउमा बाटो बनाउने क्रममा फेला परेको चाँदीको मूर्ति एक्कासी हराएको रामजानकी मन्दिर व्यवस्थापन समितिका संयोजक विनोद कश्यपले जानकारी दिए । उक्त मूर्ति रामजानकी मन्दिरमा स्थापना गरिएको थियो । सो बेला वडा नं. १३ का एक व्यक्तिले मूर्ति आफ्नो भनेर दाबी गरेपछि व्यवस्थापन समिति र दाबीवालाको सहमतिमा मन्दिरमा स्थापना गरिएको थियो । मन्दिरमा सहजै छिर्नसक्ने कुनै बाटो नभएकाले चोरीको घटना रहस्यमय बनेको छ ।
समितिका सल्लाहकार हर्कबहादुर गुरूङले चोरी हुने कुनै बाटो नदेखिएकाले रहस्यमय भएको बताए । प्रहरीले घटनास्थलको प्रारम्भिक अनुसन्धान गर्दा चोरी हुनसक्ने आधार नदेखिएको जनाएको छ ।
अवैध युरिया मल र पानको पात बरामद : अवैधरूपमा नेपाल भित्र्याउँदै गरेको अवस्थामा पानको पात र युरिया मलसहित बाँके प्रहरीले एक जनालाई नियन्त्रणमा लिएको छ । सोमबार राति बाँकेको डुडुवा गाउँपालिका २ बेतहनीस्थित प्रहरी चौकीमा खटिएका प्रहरी टोलीले चेकजाँच गर्ने क्रममा १२ बोरा युरिया मल नियन्त्रणमा लिएको जिल्ला प्रहरी कार्यालय बाँकेका प्रवक्ता एवं प्रहरी नायब उपरीक्षक सुवास खड्काले जानकारी दिए । बरामद गरिएको मल आवश्यक कारबाहीका लागि नेपालगञ्ज भन्सार कार्यालय पठाइएको समेत खड्काले बताए ।
त्यसैगरी डुडुवा गाउँपालिका ३ हलबलडोली उचुवामा रहेको इलाका प्रहरी कार्यालय वनकट्टीको टोलीले भन्सार छली अवैधरूपमा ल्याउँदै गरेको पानको पातसहित एक जनालाई पक्राउ गरेको छ । पक्राउ पर्नेमा डुडुवा गाउँपालिका ६ नयाँबस्तीका २६ वर्षीया शोभा कुर्मी रहेको प्रहरीले जनाएको छ । कुर्मीको साथबाट १० डोली पानको पात, १ प्याकेट सुपर पावर सुर्ती र एउटा साइकल बरामद गरिएको जिप्रका बाँकेका प्रवक्ता खड्काले जानकारी दिए ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया