काठमाडौं,१ भदौ भारत र नेपालका प्रतिनिधिबीच सोमबार औपचारिक वार्ता हुँदै छ । आज भदौ १ गते भारतीय राजदूत विनय मोहन क्वात्राले नेतृत्व गर्ने टोलीसँग नेपालका तर्फबाट विदेश सचिव शंकरदास वैरागीको नेतृत्वको टोलीले लिम्पियाधुरा–कालापानी क्षेत्रलगायत नेपाल–भारतबीच सीमा विवाद रहेका विषयमा वार्ता हुनलागेको हो । भारतले नेपाली भूमि कालापानी क्षेत्र हुँदै चीन जोड्ने सडक निर्माण गरेपछिको विवादमा दुई देशबीच संवादहीनताको अवस्था सिर्जना गएको छ । नेपालले कूटनीतिक नोट पठाउनेलगायतका प्रयास गर्दा पनि भारतले नेपाली प्रयासलाई अवज्ञा गर्दै आएको छ ।
यसैबीच नेपालले लिम्पियाधुरा कालापानी क्षेत्रलाई समेटेर नयाँ नक्सा जारी गरेपछि भारतीय पक्ष झन् आक्रोशित बनेको थियो । तर गत साउन १९ गते बसेको मन्त्रिपरिषद्को बैठकले नेपाल सरकार र भारत सरकारका बीचमा पहिलोपल्ट सन् २००८ अगष्ट ६ मा सम्पन्न भएको साना विकास आयोजना सञ्चालन सम्झौतालाई नवीकरण गर्ने निर्णय गरेको छ । यसअघि उक्त परियोजना नवीकरण हुनसकेको थिएन । नेपाल सरकारले सन् २०२३ अगष्ट ५ सम्मका लागि नवीकरण गरेको हो ।
>उक्त परियोजनाअन्तर्गत भारतीय दूतावासले पाँच करोड रुपैयाँसम्मका साना विकास आयोजनामा सोझै लगानी गर्न सक्नेछ । नेपाल सरकारले उक्त परियोजना नवीकरण गरेपछि भारतीय पक्ष नेपालसँग वार्ताका लागि तयार भएको हो । वार्ताको मिति तय भएपछि भारतीय स्वतन्त्रता दिवसको अवसर पारेर प्रधानमन्त्री केपी ओलीले भारतीय समकक्षी नरेन्द्र मोदीसँग टेलिफोन वार्ता गरेर संवादहीनताको अन्त्य गरेका हुन् ।
क्याटेगोरी : समाचार
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया