सुबास बस्नेत
दोलखा, भदौ ३
दोलखाको वैतेश्वर गाउँपालिकाको प्रसिद्ध धार्मिक स्थल वैतेश्वर मन्दिरको पुनर्निर्माण सम्पन्न भएको छ । २०७२ वैशाखमा गएको विनाशकारी भूकम्पले ध्वस्त भएको वैतेश्वर मन्दिर पुनर्निर्माण गरिएको हो । वैतेश्वर गाउँपालिकाको वडा नम्बर ६ मा रहेको यस मन्दिरको पुनर्निर्माण गर्न नेपाल सरकार पुरातत्व विभागले गत आर्थिक वर्षमा एक करोड पाँच लाख रुपैयाँ छुट्ट्याएको थियो ।
पुरानै डिजाइनअनुसार प्यागोडा शैलीमा प्रदेज निर्माण सेवा बानेश्वरले एक करोड पाँच लाखमा ठेक्का सम्झौता गरेर मन्दिर निर्माण गरेको वैतेश्वर गाउँपालिका उपाध्यक्ष रविचन्द्र आचार्यले जानकारी दिए ।
वैतेश्वरको सिङ्गो इतिहास बोकेको प्राचीन मन्दिरको शिरमा सोमबार तामाको गजुर राख्दै ४ वर्षदेखि बन्द मन्दिर खुला गरेको उनले बताए । नवनिर्मित वैतेश्वर मन्दिरको छाना तामाले निर्माण गरिएको छ भने मन्दिरको वालमा इँटाको प्रयोग गरिएको छ । त्यस्तै मन्दिरअगाडि ४ वटा शिवधारा निर्माण गरिएको छ ।
१६औं सताब्दीमा एकादेवल नामबाट पूजाआजा गर्न सुरु गरिएको वैतेश्वर महादेवस्थानमा १७७४ सालमा झिङ्गटीको छाना हाली प्यागोडा शैलीमा मन्दिर बनाइएको थियो । उक्त मन्दिर भएको आसपासको जमीन र जंगललाई १९११ सालमा जंगबहादुर राणाले मन्दिरको गुठी बनाएर गुठियारलाई दैनिक पूजा गर्न सनदपत्र प्रदान गरेको स्थानीयले बताए ।
वैतेश्वर मन्दिर १९९० सालको महाभूकम्पबाट पनि ध्वस्त भएपछि जुद्ध शमशेर राणाले केही सिपाही पठाएर पनुर्निर्माण गरेको यहाँका ९७ वर्षीय पुजारी पहलमान सन्यासीको जानकारी दिए । उक्त मन्दिर पुनः २०७२ सालको भूकम्पमा भने पूर्णरूपमा क्षति भएको थियो । मन्दिर क्षति भएपछि पुरातत्व विभागबाट एक करोड पाँच लाखको लागतमा पुनर्निर्माण सम्पन्न भएको हो ।
प्राचीन मन्दिर पुनर्निर्माण भएसँगै वैदिक विधिबाट पूजापाठ गरेर सोमबारदेखि गजुर र मन्दिरको प्राणप्रतिष्ठा गरी भक्तजनहरूका लागि खुला गरिएको जानकारी पुजारी पहलमान सन्यासीले दिए । मन्दिरको अगाडि भागबाट निस्केका चार शिवधाराबाट बैती बेँसीमा सिँचाइ सुविधा हुने भएकोले कृषक र भक्तजनलाई मन्दिर वरदानसिद्ध छ । यस मन्दिरमा महाशिवरात्रि, जनैपूर्णिमा, तीजलगायत चाडपर्वमा भक्तजनको ठूलो भीड लाग्ने गरेको छ ।
क्याटेगोरी : समाचार
ताजा अपडेट
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
- बाघको आक्रमणबाट एकजनाको मृत्यु
- पाँचपोखरी महिला ट्रेल रेसमा निर्मला प्रथम
- देशभर बालबालिकालाई भिटामिन ‘ए’ र जुकाको औषधि खुवाइँदै
- युरोपेली केन्द्रीय बैंकले फेरि ब्याजदर कटौती गर्यो
- आरबीआईद्वारा चार गैरबैंकिङ वित्त कम्पनीलाई ऋण दिन प्रतिबन्ध
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया