काठमाडौं,भदौ ५
प्रहरीले दुई थान पेस्तोल र दश राउण्ड गोलीसहित दुई÷दुुई जना व्यक्तिलाई पक्राउ गरेको छ । महानगरीय अपराध महाशाखाका अनुसार हातहतियारको ओसारपसार तथा कारोबार हुँदै छ भन्ने विशेष सूचनाको आधारमा अपराध महाशाखाबाट प्रहरी उपरीक्षक होबिन्द्र बोगटीको कमाण्डमा खटिएको विशेष टोलीले बुुधबार काठमाडौं महानगरपालिका वडा नम्बर १६ माछापोखरीबाट नुवाकोट जिल्लाको शिखरबेसी ६ बस्ने वर्ष २७ को विकेश पण्डितलाई पक्राउ गरेको हो ।
पक्राउ परेका पण्डितको साथबाट ‘मेड इन यूएसए’ लेखेको पेस्तोल दुुई थान, म्यागजिन दुुई थान सो पेस्तोलमा प्रयोग हुने गोली १० राउण्ड समेत बरामद गरिएको प्रहरीले जनाएको छ । पक्राउ परेका पण्डितसँगको प्रारम्भिक सोधपुछको क्रममा उक्त हतियार ओसारपसार गराउन लगाउने व्यक्ति नुवाकोट जिल्लाको लिपु गाउँपालिका १ बस्ने वर्ष २८ को अमर तामाङलाई पनि महाशाखाका प्रहरी निरीक्षक भोला कुमार भट्टको कमाण्डमा खटिएको टोलीले जिल्ला प्रहरी कार्यालय नुवाकोटसँग समन्वय गरी तामाङलाई लिपु, नुवाकोट निजको घरबाट पक्राउ गरी महाशाखामा ल्याएको हो ।
पक्राउ परेका दुुवै व्यक्तिउपर थप अनुसन्धान भइरहेको र आवश्यक कारबाहीको लागि महानगरीय प्रहरी परिसर, टेकु, काठमाडौं पठाइएको महाशाखाले जनाएको छ । प्रहरीका अनुसार प्रारम्भिक अनुसन्धानको क्रममा निज तामाङ घले डाँका मुद्दामा छ वर्ष दुुई महिना कैद सजाय भुक्तान गरी २०७६ फागुन १२ गते थुुनामुक्त भएका व्यक्ति हुुन् ।
जेल बसाइको क्रममा उनले उक्त हतियारबारे जेलमा रहेको लागूऔषध मुद्दामा सजाय भोगिरहेका धादिङ खाल्टे घर भएका राजकुमार गुरुङले बालाजु एरियामा लुकाइराखेको हतियार आपराधिक मनसायले बोक्ने तथा ओसारपसार गर्ने कार्य गरेको बुझिएको छ । घटनामा संलग्न अन्य व्यक्तिको खोजतलास तथा सूक्ष्म अनुसन्धान भइरहेको महाशाखाले जनाएको छ ।
क्याटेगोरी : समाचार
ताजा अपडेट
- (रास्वपा) सभापति लामिछानेविरुद्ध चितवनमा पनि जाहेरी
- कूटनीतिको विकासमा सघाउन परराष्ट्रमन्त्रीको आग्रह
- राष्ट्रपतिद्वारा‘नेपालका निधि’ पुस्तक लोकार्पण
- नेपाल ओलम्पिक कमिटीलाई पारदर्शी रुपमा सञ्चालन गर्न प्रधानमन्त्रीसँग माग
- ‘द्वन्द्वको प्रकृति परिवर्तन भए पनि पीडितको समस्या उस्तै छ’
- इजरायल–प्यालेस्टाइन युद्धमा तटस्थ नबस्न प्रधानमन्त्रीको ध्यानाकर्षण
- नौं अंकले उक्लियो शेयर बजार
- पहिलो चौमासिकमा १२ अर्ब ७२ करोडको विद्युत् भारत निर्यात
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया