उमेश दुबे
पर्सा, भदौ १४
वीरगञ्ज महानगरपालिकाको कर उठाउनको निम्ति भएको टेन्डर प्रक्रियाको नियमावलीविपरीत व्यारियरबाटै महानगरपालिकाको नाममा करोडौँको अवैध धन्दा चालू भएको छ । वीरगञ्ज महानगरपालिकाभित्र प्रवेश गर्ने भारतीय गाडीहरूबाट ठेकेदारले एक ठाउँको सट्टा चार–चार ठाउँहरूमा अवैध तरिकाले रकम असुली गरिरहेको पाइएको छ ।
वीरगञ्ज महानगरपालिकाले चार करोड ९० लाख रूपैयाँको सलानामा टेन्डर प्रक्रिया गरे पनि एक ठाउँको सट्टा दर्जनौँ ठाउँहरूमा व्यापकरूपले अवैध धन्दा चालू भएको छ । महानगरपालिकाले गरेको टेन्डर प्रक्रियामा महानगरपालिकाको विभिन्न १८ वटा ठाउँहरूमा व्यारियरको माध्यमले कर उठाउन निर्देशन दिए पनि ठेकेदारहरूले प्रहरी प्रशासनकै संरक्षण पाएपश्चात् २२ वटा ठाउँहरूमा महानगरको नामले रकम उठाइरहेका छन् । ठेकेदार कम्पनीले यस्तो महामारीको समयमा छिमेकी राष्ट्र भारतबाट भित्रिने मालवाहक ट्रकहरूबाट प्रतिदिन लाखौँ रूपैयाँ अवैध तरिकाले उठाउन सफल भएका छन् ।
स्थानीय प्रहरी प्रशासनलाई मासिक लाखौँ रूपैयाँ ठेकेदारले दिएपश्चात् अवैध तरिकाले भारतीय गाडीहरूबाट रकम उठाउन सफल भएको व्यारियरकै कर्मचारीहरूले बताएका छन् । स्थानीय प्रहरी प्रशासनदेखि लिएर जिल्ला प्रहरी कार्यालय पर्सा र जिल्ला प्रशासन कार्यालय पर्सामा समेत नजराना बुझाउने गरेको कारण प्रहरीले हस्तक्षेप नगरेको बताए । पर्साको प्रहरी चौकी परवानिपुरबाट नजिकै लगाइएको व्यारियर पूर्णरूपले अवैध रहे पनि हालसम्म प्रहरीले हस्तक्षेप गरेको छैन ।
जिल्ला प्रहरी कार्यालय पर्सामा मासिक लाखौँ रूपैयाँ नजराना बुझाएपश्चात् आफूहरू रोक्न समेत नसकेको प्रहरी चौकी परवानिपुरका प्रहरी स्रोतले जनाएको छ । एक जना भारतीय ट्रकका चालकअनुसार नेपाल प्रवेश गर्दा नियम कानुन थाहै नभएको कारण चार–चार पटक रसिद कटाउनुपर्ने बाध्यता भएको बताए । उनका अनुसार आफूहरूले रकम नदिँदा डण्डा बताएर रकम लुट्ने काम गरिरहेको बताए । उनीहरूलाई रकम उठाउनको निम्ति स्थानीय प्रहरीले समेत उनीहरूकै सहयोग गर्ने गरेको बताए ।
वीरगञ्ज महानगरपालिकाले गरेको टेन्डरले गर्दा व्यारियरकै माध्यमले बिचौलीयाहरूले समेत कमाइखाने भाँडो बनाएका छन् । नेपाल देशमा भारतीय गाडीहरू प्रवेश गर्दा प्रतिदिन लाखौँ रूपैयाँ अवैध तरिकाले आयआर्जन गरेको घटना दुःखदायी रहे पनि प्रहरी प्रशासन केही रकमको लोभमा परी आफ्नो देशको मानसम्मानलाई नै धराप पार्दै छन् ।
क्याटेगोरी : समाचार
ताजा अपडेट
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया