काठमाडौं, भदौ १६
सरकारले नयाँ श्रम स्वीकृति खुल्ला गरेको छ । आइतबार बसेको मन्त्रिपरिषद् बैठकले सम्बन्धित श्रम गन्तव्य मुलुकसँगको सम्झौता र मागका आधारमा नयाँ श्रम स्वीकृति खुल्ला गर्ने निर्णय गरेको थियो । सोसँगै युवाहरुले वैदेशिक रोजगारीमा जानका लागि नयाँ श्रम स्वीकृति प्राप्त गर्न सक्नेछन् ।
सोमबार मन्त्रिपरिषद्को निर्णय सार्वजनिक गर्दै अर्थ, सञ्चार तथा सूचना प्रविधिमन्त्री डा. युवराज खतिवडाले उक्त कुरा बताएका हुन् । यस्तै मन्त्रिपरिषद् बैठकले आज भदौ १६ गतेदेखि अन्तर्राष्ट्रिय उडान खुलाउने निर्णय गरेको छ । आइतबारको मन्त्रिपरिषद् बैठकले अन्तर्राष्ट्रिय हवाइ उडान यही भदौ ४ गतेको
मन्त्रिपरिषद्को निर्णयअनुसार गर्ने निर्णय गरेको छ । भदौ ४ को मन्त्रिपरिषद् बैठकले आज भदौ १६ देखि अन्तर्राष्ट्रिय हवाइ उडान सञ्चालन गर्ने निर्णय लिएको थियो। आइतबारको मप बैठकले भदौ ४ को मप बैठकको दफा ११ बमोजिम उक्त उडान गर्ने निर्णय गरेको थियो । सोहीअनुसार आजदेखि अन्तर्राष्ट्रिय उडान हुनलागेको हो ।
यस्तै बैठकले संस्कृति, पर्यटन तथा नागरिक उड्डयन मन्त्रालयको जिम्मेवारी र जवाफदेहितामा उडान संख्या र यात्रुको व्यवस्थापन, क्वारेन्टाइन र आइसोलेसनको उपलब्धताको सुनिश्चितताको आधारमा दैनिक आगमन यात्रु आठ सय जनामा नबढ्ने गरी नियमित तथा उद्धार (चार्टर्ड) अन्तर्राष्ट्रिय हवाइ उडान सञ्चालन र सोको व्यवस्थापन गर्ने निर्णय गरेको छ । यस्तै उद्धार उडानका साथै अनुमति भएका नेपाली नागरिक मृत्यु भएका वा उपचारका लागि मुलुक आउनैपर्नेलाई समेत आउन दिने बताइएको छ ।
‘अनुमति भएका नेपाली नागरिक र भन्ने व्यहोरापछि सम्बन्धित कूटनीतिक नियोगको सिफारिसमा एकाघरका आफन्तको मृत्यु भई वा गम्भीर उपचारका लागि नेपाल आउनुपर्ने अवस्थाका गैरआवासीय नेपालीलाई स्वदेश फर्किन दिइनेछ’, निर्णयमा भनिएको छ । त्यस्तै परीक्षण सहज नभएका मुलुकमा रहेका नेपालीहरुलाई भने स्वदेश फर्किन नदिइने बताइएको छ ।
परीक्षण सहज नभएका मुलुकहरु साउदी अरब, कुवेत, कतार वा अन्य मुलुकबाट नियमित उडानबाट यात्रुहरु ल्याउन नपाइने निर्णयमा भनिएको छ । त्यस्ता मुलुक र नियमित उडानका लागि अनुमति नभएका श्रमिक रहेका मुलुकबाट सम्बन्धित नेपाली कूटनीतिक नियोगबाट सिफारिस भएबमोजिमका र रोजगारदाता कम्पनीकै खर्चमा वा रोजगारी सम्झौता सकिएका आफ्नै खर्चमा नेपाल आउन चाहने यात्रुको लागि उद्धार उडान गरिने भएको छ ।
अन्तर्राष्ट्रिय उडान खुल्ला गरेसँगै विदेशमा अलपत्र परेका र स्वदेश फर्किन चाहने विदेशमा रहेका नेपालीहरुलाई सहज हुने कोभिड १९ संकट व्यवस्थापन केन्द्रले बताएको छ । यता श्रम, रोजगार तथा समाजिक सुरक्षा मन्त्रालयले अलपत्र कामदार छिटोभन्दा छिटो स्वदेश फर्किन चाहेको बताएको छ ।
क्याटेगोरी : समाचार
ताजा अपडेट
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया