धन बहादुर जप्रेल
कञ्चनपुर, भदौ १७
कञ्चनपुरको भीमदत्त नगरपालिकाले कोरोना महामारीका कारण विदेशबाट घर फर्किएहरूलाई रोजगारी दिन गृहकार्य अघि अगाडि बढाएको छ । नगरपालिकाले विदेश फर्किएकाहरूको सीप उत्पादनमूलक कार्यमा प्रयोग गर्ने गरी तयारी सुरु गरेको हो ।
भीमदत्त नगरपालिकाका मेयर सुरेन्द्र विष्टले सबै वडाका सचिवलाई विदेशबाट फर्किएकालाई स्वरोजगार बनाउन कार्यक्रमको तयारीमा जुट्न निर्देशन दिएका छन् । त्यसका लागि उनले सबै वडाका सचिव र सामाजिक परिचालकसित छलफल समेत गरेका छन् । रोजगार कार्यक्रम सञ्चालनका लागि सबैभन्दा पहिले सबै वडामा विदेशबाट घर फर्किएकाहरूको तथ्यांक संकलन गरी अघि बढाइने भएको छ ।
त्यसका लागि भदौ मसान्तभित्र सबै वडामा तथ्यांक संकलन गर्ने तयारी गरिएको नगरप्रमुख विष्टले बताएका छन् । नगरपालिकाका अनुसार तथ्यांक संकलनका क्रममा विदेशबाट फर्किएको व्यक्ति र उनीहरूले गर्न चाहको व्यवसायको तथ्यांक संकलन गरिनेछ । नगरप्रमुख विष्टले कोरोना संक्रमणले घर फर्किएका बासिन्दाको सीप क्षमताले नगरको विकास र समृद्धिमा टेवा पुग्ने भएकाले रोजगारका कार्यक्रम सञ्चालन गर्न लागिएको बताए ।
‘भीमदत्तको समृद्धि र विकासको नारा लिएर अघि बढेका छौं, त्यसका लागि हरेक नागरिक सक्षम, स्वरोजगार र उत्पादनमूलक कार्यमा लाग्नु आवश्यक छ’ उनले भने, ‘त्यसका लागि अहिले विदेशबाट घर फर्किएका बासिन्दाको सीप क्षमतालाई नगरको विकास र समृद्धिमा लगाउने कुरा गरेका छौं ।’
नगरपालिकाले कोरोना संक्रमण फैलिएपछि गत वर्ष कार्यपालिका बैठकबाट नगर बासिन्दालाई उत्पादनमूलक कार्यमा लगाउने निर्णय गरेको थियो । पश्चिमी सीमा नाका गड्डाचौकीका कारण भीमदत्त नगरपालिका कोरोना संक्रमणको उच्च जोखिममा छ । कोरोना महामारीपछि भारतसहित तेस्रो मुलुकमा रोजगारीका लागि गएका अधिकांश बासिन्दा घर फर्किएका छन् ।
नगरपालिकाका नगर प्रमुखको सचिवालयका नायब सुब्बा दिनेशराज भट्टले सबै वडाबाट तथ्यांक संकलन गरी व्यवसाय गर्न चाहनको बासिन्दाको विवरण तयार गरिने बताए । ‘मेयरसापको उपस्थितिमा तथ्यांक संकलन गर्नेसम्बन्धी अभिमुखीकरण गरिएको छ, भदौ मसान्तभित्र तथ्यांक संकलन हुन्छ,’ उनले भने, ‘त्यसपछि फारामका आधारमा के–कस्तो व्यवसाय गर्न खोजिएको छ, त्यसको विवरण तयारी गरी अघि बढ्छौँ ।’ तथ्यांकका आधारमा व्यवसाय सञ्चालन गरी उनीहरूलाई स्वरोजगार बनाउने कार्यक्रम सञ्चालन गरिने भएको हो । त्यसका लागि नगरपालिकाले अन्य निकायसँग पनि सहकार्य गर्ने नायब सुब्बा भट्टले बताए ।
क्याटेगोरी : समाचार
ताजा अपडेट
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
- शान्ति प्रक्रियालाई शीघ्र टुङ्ग्याउनुपर्नेमा आयोगको जोड
- अष्ट्रेलियाका राजदूत र प्रधानमन्त्री ओलीबिच शिष्टाचार भेट
- विश्व खाद्य संगठनका प्रतिनिधि र ऊर्जामन्त्री खड्काबिच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया