महेन्द्र शाही
सोलुखुम्बु, भदौ २१
सोलुखुम्बुको महाकुलुङ गाउँपालिकामा रहेको मेरापिक क्षेत्रलाई समेटेर ‘मेरापिक राष्ट्रिय निकुञ्ज’ वा ‘मेरापिक संरक्षण क्षेत्र’ घोषणा गर्नेबारे सरकारले अध्ययन गर्ने भएको छ । वन तथा वातावरण मन्त्री शक्ति बस्नेत र सोलुखुम्बु प्रदेश ‘क’ का सांसद उत्तमकुमार बस्नेतको भेटमा मेरापिक राष्ट्रिय निकुञ्ज वा संरक्षण क्षेत्र घोषणाका बारेमा सकारात्मक छलफल भएको हो । यस विषयमा वन मन्त्रीसँगको छलफल सकारात्मक भएको सांसद बस्नेतको भनाइ छ । मन्त्री सकारात्मक रहेकाले घोषणा हुनेमा आफू आशावादी रहेको उनको भनाइ छ ।
हालको सो क्षेत्र मकालु बरुण राष्ट्रिय निकुञ्जको महत्वपूर्ण हिस्सा भए पनि मुख्य कार्यालय संखुवासभा जिल्लामा रहेको र फाइदा बाँडफाँडको विषयमा पनि सोलुखुम्बुवासी उपेक्षामा परेको गुनासो सोलुखुम्बुका स्थानीयले गरेपछि सांसद बस्नेतले वन तथा वातावरण मन्त्री शक्ति बस्नेतको ध्यानाकर्षण गराएका हुन् ।
मेरापिकलाई राष्ट्रिय निकुञ्ज वा संरक्षण क्षेत्र घोषणा गर्नमा जोड दिइएको सांसद बस्नेतले बताए । अन्य व्यवस्था नभएसम्म मेरापिक राष्ट्रिय निकुञ्जको अधिकार सम्पन्न मुख्य कार्यालय सोलुखुम्बुको महाकुलुङ गाउँपालिकाको बुङमा तत्काल स्थापना गर्न मन्त्री समक्ष सांसद बस्नेतले माग गरेका छन् । जुन मागमा मन्त्री बस्नेत सकारात्मक रहेको बताइएको छ ।
भेटमा वन मन्त्री बस्नतेलाई निकुञ्जसँग सम्बन्धित मुख्य तीन विकल्पका विषयमा ध्यानाकर्षण गराएको सांसद उत्तम बस्नेतले जानकारी दिए । जसमा मेरापिक राष्ट्रिय निकुञ्ज वा संरक्षण क्षेत्र घोषणा, हालको मकालु बरुण राष्ट्रिय निकुञ्जको सोलुखुम्बुतर्फको भू–भागलाई सगरमाथा राष्ट्रिय निकुञ्जमा गाभ्ने र मकालु बरुण राष्ट्रिय निकुञ्जको अधिकारसहितको मुख्य कार्यालय सोलुखुम्बुको बुङमा स्थापना गर्ने रहेको बस्नेतले जानकारी दिए । जसले गर्दा सोलुखुम्बुले पनि अपनत्व महसुस गर्ने बताइएको छ ।
मकालु बरुण राष्ट्रिय निकुञ्ज र यसले सोलुखुम्बुमा गरिरहेको कार्य र प्रभावका बारेमा विभिन्न चरणमा स्थानीय जनप्रतिनिधि, प्राविधिक र निकुञ्जसँग सम्बन्धित सरोकारवालासँग छलफल गरेको सांसद बस्नेतको भनाइ छ । यस विषयमा आफूले सम्पूर्ण सरोकारावालसँग राय सल्लाह समेत माग गरेको सांसद बस्नेतले बताए । वन तथा वातावरण मन्त्री शक्ति बस्नेतले सांसद बस्नेतसँगको भेटमा मेरापिक राष्ट्रिय निकुञ्ज वा संरक्षण क्षेत्र घोषणाका बारेमा छिट्टै नै मन्त्रालयका कर्मचारी तथा सरोकारवालासँग छलफल गरी कार्यान्वयन गर्ने बताएका छन् ।
२०४९ सालमा स्थापना भएको मकालु बरुण राष्ट्रिय निकुञ्ज २ हजार ३ सय ३० वर्ग किलोमिटर क्षेत्रमा फैलिएको छ । समुद्री सतहको ४ सय ३५ मिटर उचाइदेखि विश्वको पाँचौँ अग्लो हिमाल मकालु (८४६३ मिटर)सम्म फैलिएको यो राष्ट्रिय निकुञ्ज सोलुखुम्बु र संखुवासभा जिल्लामा रहेको छ ।
क्याटेगोरी : समाचार
ताजा अपडेट
- दुर्गा प्रसाईँको कसुर ‘पटके अपराध’ कायम भयो भने सजायमा के फरक पर्छ
- नेपाल-भारत सीमा सुरक्षा अधिकारीको बैठकमा छलफल भएका मुख्य चार विषय
- राष्ट्रिय गौरवका आयोजनालाई प्राथमिकता दिन रक्षा मन्त्रीको जोड
- विद्युत् विकासका लागि जर्मनीले एक अर्ब ४६ करोड अनुदान दिने
- बाढीपहिरोबाट ऊर्जा र सिँचाइ क्षेत्रमा १३ अर्ब बढीको क्षति
- शान्ति प्रक्रियालाई शीघ्र टुङ्ग्याउनुपर्नेमा आयोगको जोड
- अष्ट्रेलियाका राजदूत र प्रधानमन्त्री ओलीबिच शिष्टाचार भेट
- विश्व खाद्य संगठनका प्रतिनिधि र ऊर्जामन्त्री खड्काबिच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया