महेन्द्र शाही
सोलुखुम्बु, भदौ २५
हिमाली जिल्ला सोलुखुम्बुमै कोरोना संक्रमितको उपचार गरिने भएको छ । लक्षण नदेखिएको तर कोरोना पुष्टि भएकाहरूको जिल्ला अस्पताल फाप्लुको कोभिड १९ आइसोलेसन कक्षमा राखेर उपचार गरिने भएको अस्पतालकी निमित्त प्रमुख सानी शेर्पाले जानकारी दिइन् । स्वाब संकलन गरी पठाइएका मध्ये कोरोना पुष्टि भएकी एक युवतीलाई अहिले सोही अस्पतालमा राखेर उपचार सुरु गरिएको उनको भनाइ छ ।
राष्ट्रिय वाणिज्य बैंक सल्लेरीमा कार्यरत २५ वर्षीया युवतीको अहिले जिल्ला अस्पताल फाप्लुमै उपचार भइरहेको छ । स्वास्थ्य कार्यालयका प्रमुख रमेश खकुरेलका अनुसार सोमबार युवतीको कोरोना रिपोर्ट पोजेटिभ आएको थियो । उनको अवस्था सामान्य रहेको र कुनै पनि लक्षण नदेखिएकाले रेफर नगरिएको अस्पतालले जनाएको छ । ती युवती भदौ ११ गते काठमाडौंबाट सोलुखुम्बु आएकी थिइन् । उनीसँगै स्वाब संकलन गरी पठाइएका अन्य ५७ जनाको रिपोर्ट नेगेटिभ आएको छ । हालसम्म सोलुखुम्बुबाट स्वाब संकलन गरी पठाइएका तीन सय ६९ मध्ये आठ जनामा कोरोना संक्रमण पुष्टि भएको छ ।
यसअघि कोरोना पुष्टि भएकाहलाई धरान र विराटनगरको कोभिड अस्पतालमा पठाउनुपर्ने अवस्था रहेको थियो । पछिल्लो समय सोलुखुम्बु, खोटाङ र ओखलढुङ्गाका लागि ओखलढुङ्गाको रुम्जाटारमा कोरोना अस्पताल निर्माण गरिएको छ । तर खोटाङको खोटाङ अस्पतालमा नै उपचार हुनेगरेको छ । जिल्लामा नै उपचार हुने भएपछि जिल्लाबाहिर पठाउनुपर्ने झन्झट हटेको छ । अब अवस्था गम्भीर भएका बिरामीलाई मात्र अन्यत्र पठाइने जिल्ला अस्पताल फाप्लुले जनाएको छ । जिल्लामा यसअघि कोरोना संक्रमण पुष्टि भएका सात जना निको भएर घर फर्किसकेका छन् ।
क्याटेगोरी : समाचार
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया