काठमाडौं, भदौ २८
सञ्चालनमा रहेका २७ वटा वाणिज्य बैंकहरुमध्ये सरकारी स्वामित्वको राष्ट्रिय वाणिज्य बैंकमा निष्क्रिय कर्जाको अनुपात उच्च देखिएको छ । बैंकहरुको गत आर्थिक वर्षको अपरिष्कृत वित्तीय विवरणअनुसार राष्ट्रिय वाणिज्य बैंकमा चार दशमलव आठ प्रतिशत कर्जा निष्क्रिय रहेको छ । अघिल्लो आवको सोही अवधिमा पनि वाणिज्य बैंकमा निष्क्रिय कर्जाको अनुुपात अन्यको तुुलनामा बढी अर्थात् चार दशमलव ७९ प्रतिशत रहेको थियो ।
यीबाहेकका अन्य बैंकहरुमा भने नौवटा बैंकहरुमा निष्क्रिय कर्जाको अनुपात दुुई प्रतिशतको हाराहारीमा रहेको छ भने १० वटामा एक प्रतिशतको हाराहारीमा रहेको छ । बाँकी सातवटामा भने निष्क्रिय कर्जाको अनुपात एक प्रतिशतभन्दा तल रहेको छ । पछिल्लो आर्थिक वर्षमा समग्र वित्तीय प्रणालीमा कोरोना भाइरस (कोभिड–१९) को प्रभावका कारण बैंकहरुको निक्षेप तथा कर्जामा संकुुचन आएसँगै ब्याज असुुली पनि घटेको छ । तर यो बीचमा नेपाल राष्ट्र बैंकले वाणिज्य बैंकहरुलाई सहुुलियत दिंँदै कर्जाको असुलीको लागि थप समय दिएका कारण पनि बैंकहरुमा निष्क्रिय कर्जा अनुुपात अघिल्लो आवकै हाराहारीमा देखिएको हो ।
वाणिज्य बैंकहरुमध्ये प्रभुु बैंकमा दुई दशमलव ८१ प्रतिशत कर्जा निष्क्रिय देखिएको छ भने भने कृषि विकास बैंकमा दुुई दशमलव सात प्रतिशत कर्जा निष्क्रिय देखिएको छ । अघिल्लो आवको सोही अवधिमा यी बैंकहरुमा निष्क्रिय कर्जाको अनुपात क्रमशः दुुई दशमलव ७६ र तीन दशमलव २९ प्रतिशत रहेको थियो ।
यसैगरी नेपाल बैंक, एनएमबी बैंक, नेपाल इन्भेष्टमेन्ट बैंक र सिभिल बैंकमा पनि निष्क्रिय कर्जाको अनुपात गत आवमा क्रमशः दुई दशमलव ५९, दुुई दशमलव ६८, दुुई दशमलव ९१ र दुुई दशमलव ३८ प्रतिशत रहेको छ । अघिल्लो आवको सोही अवधिमा यी बैकहरुमा निष्क्रिय कर्जाको अनुपात क्रमशः दुुई दशमलव ६४, शून्य दशमलव ८२, दुुई दशमलव ७८ र दुुई दशमलव ३७ प्रतिशत रहेको थियो । नेपाल क्रेडिट एण्ड कमर्स बैंक, नेपाल बंगलादेश बैंक र सेञ्चुरी कमर्सियल बैंकमा पनि निष्क्रिय कर्जाको अनुपात क्रमशः दुुई दशमलव ७९, दुुई दशमलव ८९ र दुई दशमलव २१ प्रतिशत रहेको छ । अघिल्लो आवको सोही अवधिमा यी बैंकहरुमा यस्तो कर्जाको अनुपात दुुई दशमलव ७८, एक दशमलव ७४ र एक दशमलव ४० प्रतिशत रहेको थियो ।
गत आवको चौथो त्रैमासिकमा सिद्धार्थ बैंक, बैंक अफ काठमाण्डू, सिटिजन्स बैंक इन्टरनेशनल, प्राइम कमर्सियल बैंक, हिमालयन बैंक, कुमारी बैंक, सनराइज बैंक, लक्ष्मी बैंक, मेगा बैंक र ग्लोबल आईएमई बैंकमा भने निष्क्रिय कर्जाको अनुपात एक प्रतिशतको हाराहारीमा रहेको छ । अघिल्लो आवको सोही अवधिमा पनि यी बैंकहरुमा यस्तो कर्जाको अनुपात एक प्रतिशतको हाराहारीमा नै रहेको थियो ।
यीबाहेकका नबिल बैंक, माछापुुच्छ्रे बैंक, नेपाल एसबीआई बैंक, एभरेष्ट बैंक, स्ट्यान्डर्ड चार्टर्ड बैंक, एनआईसी एसिया बैंक र सानिमा बैंकमा भने निष्क्रिय कर्जाको अनुपात एक प्रतिशतको हाराहारीमा रहेको छ । अघिल्लो आवको सोही अवधिमा पनि यी बैकहरुमा यस्तो कर्जाको अनुपात निष्क्रिय कर्जाको अनुुपात एक प्रतिशतभन्दा तल रहेको थियो ।
क्याटेगोरी : समाचार
ताजा अपडेट
- ‘न्यायालयप्रति विश्वास छ, सघाउँछौँ’
- वीरगञ्जको घडीअर्वा पोखरीमा छठको तयारी थालियो
- थुनुवा मृत अवस्थामा फेला
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया