कोरोनाले क्षति पु-याएको अर्थतन्त्रलाई सुधार्न सार्क राष्ट्रबीच पारस्परिक सहयोग र साझेदारी आवश्यक
उमेश दुबे
काठमाडौं, असोज १
परराष्ट्रमन्त्री प्रदीपकुमार ज्ञवालीले कोरोनाले क्षति बनाएको अर्थतन्त्रलाई सुधार्न सार्क राष्ट्रबीच पारस्परिक सहयोग र साझेदारीको आवश्यक रहेको बताएका छन् । सार्क राष्ट्रका अर्थमन्त्रीहरूको १५औँ बैठकमा भाग लिँदै उनले कोरोनाको कारणले विश्वको अर्थतन्त्रसँगै दक्षिण एसियाको अर्थतन्त्रमा पनि गम्भीर असर पारेकोले यसबाट मुक्त हुन सार्क राष्ट्रबीचको सहयोग र साझेदारीको महत्व बढेको गएको बताए । नेपाल तथा दक्षिण एसियाली अर्थतन्त्रको पछिल्लो अवस्थाको चर्चा गर्दै उनले कोभिड १९ को रोकथाम, नियन्त्रण र उपचारमा सबै सार्क राष्ट्रहरू क्रियाशील रहेको वर्तमान समयमा स्रोत परिचालन, सहकार्य र साझेदारीले मात्रै सार्क क्षेत्रका जनताको स्वास्थ्य तथा आर्थिक जीवनको रक्षा गर्न सम्भव हुने बताए ।
यसका लागि सार्कका आर्थिक संयन्त्रहरूलाई क्रियाशील बनाउँदै आर्थिक पुनरोत्थानका रणनीति तय गर्नुपर्ने, गरिब र मूलतः रोजगार गुमाएका श्रमिकको आर्थिक अवस्थामा सुधार ल्याउनु पर्ने र उनीहरूको मनोसामाजिक समस्या समेत सम्बोधन गर्नुपर्ने आवश्यकता रहेको उनको भनाइ थियो । उक्त बैठकमा सार्कका महासचिव इसाला विराकुन, एसियाली विकास बैंकका उपाध्यक्ष सिसिन चेनले आ–आफ्नो धारणा राखेका थिए । ‘कोभिड–१९ र दक्षिण एसियाली अर्थतन्त्र’ विषयमा एसियाली विकास बैंकका प्रमुख अर्थशास्त्री यासायुक्ती सावादाले प्रस्तुति दिएका थिए ।
उक्त बैठकमा सार्क राष्ट्रका अर्थमन्त्रीहरू र प्रतिनिधिमण्डलका प्रमुखहरूले सार्कका औपचारिक संयन्त्रहरूलाई क्रियाशील बनाई दक्षिण एसियाली अर्थतन्त्रलाई गतिशील बनाउनुपर्ने धारणा राखेका थिए । प्रधानमन्त्री तथा अर्थमन्त्रीको तर्फबाट परराष्ट्र मन्त्री प्रदीपकुमार ज्ञवालीले नेपाली प्रतिनिधिमण्डलको नेतृत्व तथा उक्त बैठकको अध्यक्षता गरेका थिए । एसियाली विकास बैंक र सार्क सचिवालयको समन्वयमा भर्चुअल माध्यमबाट बुधबार सम्पन्न भएको उक्त बैठक एसियाली विकास बैंकको वार्षिक बैठकको अवसरमा आयोजना गरिएको हो ।
क्याटेगोरी : समाचार
ताजा अपडेट
- ‘न्यायालयप्रति विश्वास छ, सघाउँछौँ’
- वीरगञ्जको घडीअर्वा पोखरीमा छठको तयारी थालियो
- थुनुवा मृत अवस्थामा फेला
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया