नौ लाख १४ हजारको परीक्षण ६४ हजार एक सयमा कोरोना

काठमाडौं ।
नेपालमा आइतबारसम्म नौ लाख १४ हजार दुई सय ९० जनाको पीसीआर गरिएकोमा ६४ हजार एक सय २२ जनामा कोरोना संक्रमण पुष्टि भएको छ । शनिबारदेखि आइतबारसम्मको २४ घण्टामा थप एक हजार तीन सय २५ जनामा कोरोना सङ्क्रमण पुष्टि भएको छ ।

आइतबार मात्रै काठमाडौँ उत्यकामा सात सय ६७ कोरोना सङ्क्रमित थपिएका छन् । थपिएका सङ्क्रमितमध्ये काठमाडौँका दुई सय ३० महिला र तीन सय ७२ पुरुषसहित छ सय दुई, ललितपुरका ३४ महिला र ३० पुरुषसहित ६४ तथा भक्तपुरका ४१ महिला र ६० पुरुषसहित एक सय एक जना छन् । उनीहरूको उपत्यकाका विभिन्न प्रयोगशालामा परीक्षण गरिएको थियो । योसँगै काठमाडौँ उपत्यकामा कोरोना सङ्क्रमितको सङ्ख्या १६ हजार छ सय १६ पुगेको छ । काठमाडौँमा १३ हजार छ सय १६, ललितपुरमा एक हजार पाँच सय ४८ तथा भक्तपुरमा एक हजार चार सय ५२ जना कोरोना भइरसबाट सङ्क्रमित भएका छन् ।

देशका विभिन्न प्रयोगशालामा आइतबार नौ हजार पाँच सय ८४ जनाको पीसीआर परीक्षण गरिएको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिए । आइतबार थपिएका सङ्क्रमितमा पुरुष आठ सय ५६ तथा महिला चार सय ६९ रहेका छन् ।

हालसम्म ४६ हजार दुई सय ३३ जना कोरोना भाइरसबाट मुक्त भई घर फर्किएका छन् । आइतबार मात्र नौ सय ६६ जना सङ्क्रमित निको भएर घर फर्किएका छन् । संक्रमितमध्ये पनि काठमाडौं उपत्यकामा सबैभन्दा बढी छन् । त्यसमा पनि काठमाडौं जिल्लामा संक्रमित हुनेको संख्या अधिक छ । मन्त्रालयका अनुसार पाँच सयभन्दा बढी सङ्क्रमित भएका जिल्लामा काठमाडौँ, ललितपुर, भक्तपुर, मोरङ, सिरहा, सुनसरी, मकवानपुर, चितवन र रूपन्देही रहेका छन् । यस्तै हाल सङ्क्रमित नै नरहेका जिल्लामा रसुवा, म्याग्दी, डोल्पा, हुम्ला, मुगु, सोलुखुम्बु र मुस्ताङ रहेका छन् ।

देशभर हाल एक सय ९० सङ्क्रमितको अति सघन कक्षमा उपचार भइरहेको छ भने ३६ सङ्क्रमितलाई भेन्टिलेटरमा राखी उपचार भइरहेको छ । प्रदेश नं. १ मा ९सङ्क्रमित अति सघन कक्षमा, एक जना भेन्टिलेटरमा, प्रदेश नं २ मा १६ सङ्क्रमितको अति सघन कक्षमा, वाग्मती प्रदेशमा एक सय २६ सङ्क्रमितको अति सघन कक्षमा तथा ३३ जनाको भेन्टिलेटरमा, गण्डकी प्रदेशमा पाँच सङ्क्रमितको अति सघन कक्षमा, प्रदेश नं ५ मा २३ सङ्क्रमितको अति सघन कक्षमा तथा २ को भेन्टिलेटरमा तथा कर्णाली प्रदेशमा ११ कोरोना सङ्क्रमितको हाल अति सघन कक्षमा उपचार भइरहेको प्रवक्ता गौतमले जानकारी दिए ।

हाल देशभर १७ हजार चार सय ७८ जना सक्रिय सङ्क्रमित रहेका छन् । हाल नौ हजार ७१ जना संस्थागत आइसोलेसनमा तथा आठ हजार चार सय सात सङ्क्रमित होम आइसोलेसनमा बस्दै आएका छन् । संस्थागत आइसोलेसनमा प्रदेश नं. १ मा तीन सय तीन, प्रदेश नं २ मा आठ सय ७३, वाग्मती प्रदेशमा पाँच हजार तीन सय ३९, गण्डकी प्रदेशमा छ सय ८९, प्रदेश नं ५ मा एक हजार दुई सय ७७, कर्णाली प्रदेशमा दुई सय ५५ तथा सुदूरपश्चिम प्रदेशमा तीन सय ३५ सङ्क्रमित रहेका छन् ।

यसैगरी होमआइसोलेसनमा रहेका सङ्क्रमितको सङ्ख्या प्रदेश नं १ मा एक हजार दुई सय ८९, प्रदेश नं २ मा नौ सय ९८, वाग्मती प्रदेशमा चार हजार छ सय एक, गण्डकी प्रदेशमा तीन सय १६, प्रदेश नं ५ मा सात सय ५६, कर्णाली प्रदेशमा दुई सय चार तथा सुदूरपश्चिम प्रदेशमा दुई सय ४३ रहेको छ । हाल सात हजार चार सय ५१ ज्ना सङ्क्रमितको क्वारेन्टाइनमा रहेका छन् । यस्तै हालसम्म प्रदेश नं १ मा चार हजार एकसय नौ, प्रदेश नं २ मा १२ हजार दुई सय ३३, वाग्मती प्रदेशमा १० हजार नौ सय ४१, गण्डकी प्रदेशमा २ हजार सात सय नौ, प्रदेश नं ५ मा सात हजार दुई सय ९५, कर्णाली प्रदेशमा दुई हजार सात सय चार तथा सुदूरपश्चिम प्रदेशमा छ हजार दुई सय ४२ कोरोना सङ्क्रमित निको भएर घर फर्किएका छन् ।

स्वास्थ्य तथा जनसङ्ख्या मन्त्रालयका अनुसार आइतबार प्रदेश नं १ मा ७८, प्रदेश नं २ मा ७६, वाग्मती प्रदेशमा आठ सय ३८, गण्डकी प्रदेशमा ५३, प्रदेश नं ५ मा दुई सय नौ, कर्णाली प्रदेशमा ३० तथा सुदूरपश्चिम प्रदेशमा ४१ जना कोरोना भाइरसबाट सङ्क्रमित भएका छन् । प्रदेश नं. १ को उदयपुरमा १, तेह्रथुममा १, पाँचथरमा २, भोजपुरमा १, झापामा ३, मोरङमा ६३ तथा सुनसरीमा ७ जनामा कोरोना सङ्क्रमण पुष्टि भएको छ । यस्तै प्रदेश नं २ को धनुषामा २, पर्सामा १४, बारामा १, रौतहटमा २६, सप्तरीमा ५, सर्लाहीमा १० तथा सिरहामा १८ जनामा कोरोना देखिएको छ । यसैगरी वाग्मती प्रदेशको काठमाडौँमा छ सय दुई, काभ्रेपलाञ्चोकमा २, चितवनमा १५, दोलखामा ४, धादिङमा २१, नुवाकोटमा १, भक्तपुरमा एक सय एक, मकवानपुरमा २४, सुन्धुलीमा १, ललितपुरमा ६४ तथा सिन्धुपाल्चोकमा ३ जनामा कोरोना पुष्टि भएको छ । यस्तै गण्डकी प्रदेशको कास्कीमा ३०, गोरखामा २, तनहुँमा १, बागलुङ १, स्याङ्जामा १ तथा लमजुङमा १८ जना कोरोना सङ्क्रमितको भेटिएका छन् ।

यसैगरी प्रदेश नं ५ को अर्घाखाँचीमा १, कपिलवस्तुमा १२, गुल्मीमा ६, दाङमा ३, नवलपरासीमा १२, पाल्पामा १२, प्युठानमा ११, बर्दियामा ६, बाँकेमा ३२, रूपन्देहीमा ११३ तथा रोल्पामा १ जनामा कोरोना सङ्क्रमण पुष्टि भएको प्रवक्ता गौतमले जानकारी दिए । कर्णाली प्रदेशको सुर्खेतमा २९ तथा कालिकोटमा १ जनालाई कोरोना सङ्क्रमण भएको छ । सुदूरपश्चिम प्रदेशको कैलालीमा १२, अछाममा १० तथा बझाङमा १९ जनामा कोरोना सङ्क्रमण पुष्टि भएको छ ।
१० जनाको मृत्यु

नेपालमा कोरोना भाइरसको सङ्क्रमणबाट पछिल्लो २४ घण्टामा थप १० जनाको मृत्यु भएको छ । मृत्यु हुनेमा ४ पुरुष तथा ६ महिला रहेका छन् । योसँगै नेपालमा कोरोना भाइरसको सङ्क्रमणबाट मर्नेको सङ्ख्या४११ पुगेको छ । मृत्यु हुनेमा धनुषाका ७६ वर्षीय पुरुष, काठमाडौँका ८२ वर्षीय पुरुष तथा ४० वर्षीया, ६० वर्षीया र ६३ वर्षीया महिला, ललितपुरकी ७५ वर्षीया महिला, भक्तपुरकी ७२ वर्षीया महिला, चितवनका ८० वर्षीय पुरुष, रूपन्देहीका ६७ वर्षीय पुरुष र पाल्पाकी ४० वर्षीया महिला रहेका छन् ।