काठमाडौं, पुस ११
निर्वाचन आयोगले रिक्त रहेको राष्ट्रियसभा सदस्य निर्वाचनको लागि मतदानस्थल तोकेको छ । आगामी माघ नौ गते हुनलागेको निर्वाचनको लागि सातवटै प्रदेशमा मतदान स्थल तोकेको आयोगका सहसचिव एवं प्रवक्ता राजकुमार श्रेष्ठले जानकारी दिए । आयोगले प्रदेश नं. १ को लागि मोरङको विराटनगर महानगरपालिकाको वीरेन्द्र सभागृहमा मतदानस्थल तोकेको छ । उक्त केन्द्रमा प्रदेशसभा सदस्यतर्फ ९३ र स्थानीय तहतर्फ अध्यक्ष, उपाध्यक्ष तथा प्रमुख, उपप्रमुख दुई सय ८४ गरी जम्मा तीन ६७ जना मतदाता रहेका छन् ।
प्रदेश नं. २ को मतदान केन्द्र धनुषाको जनकपुर उपमहानगरपालिकाको महेन्द्र नारायण स्मृति भवनमा तोकिएको छ । उक्त केन्द्रमा प्रदेशसभा सदस्यतर्फ एक सय सात र स्थानीय तहतर्फ अध्यक्ष, उपाध्यक्ष तथा प्रमुख, उपप्रमुख दुई सय ७२ गरी जम्मा तीन सय ७९ जना मतदाता रहेका छन् । त्यस्तै प्रदेश नं. ३ को मतदान केन्द्र ललितपुरको ललितपुर महानगरपालिकाको वडा समितिको भवनमा तोकिएको छ । उक्त केन्द्रमा प्रदेशसभा सदस्यतर्फ एक सय १० र स्थानीय तहतर्फ अध्यक्ष, उपाध्यक्ष तथा प्रमुख, उपप्रमुख दुई सय ३८ गरी जम्मा तीन सय ४८ जना मतदाता रहेका छन् ।
यसैगरी गण्डकी प्रदेशको कास्की जिल्ला निर्वाचन कार्यालय पोखरामा मतदान स्थल तोकिएको छ । उक्त केन्द्रमा प्रदेशसभा सदस्यतर्फ ६० र स्थानीय तहतर्फ अध्यक्ष, उपाध्यक्ष तथा प्रमुख, उपप्रमुख एक सय ७० गरी जम्मा २ सय ३० जना मतदाता रहेका छन् । प्रदेश नं. ५ को मतदान केन्द्र दाङको घोराही उपमहानगरपालिकाकोे कर्मचारी मिलन केन्द्रको भवनमा तोकिएको छ ।
उक्त केन्द्रमा प्रदेशसभा सदस्यतर्फ ८७ र स्थानीय तहतर्फ अध्यक्ष, उपाध्यक्ष तथा प्रमुख, उपप्रमुख दुई सय १८ गरी जम्मा तीन सय पाँच जना मतदाता रहेका छन् । कर्णाली प्रदेशको सुर्खेतको वीरेन्द्रनगरको जिल्ला निर्वाचन कार्यालय परिसरको भवनमा मतदान स्थल तोकिएको छ । उक्त केन्द्रमा प्रदेशसभा सदस्यतर्फ ४० र स्थानीय तहतर्फ अध्यक्ष, उपाध्यक्ष तथा प्रमुख, उपप्रमुख एक सय ५८ गरी जम्मा एक सय ९८ जना मतदाता रहेका छन् ।
सुदूर पश्चिम प्रदेशको मतदान केन्द्र डोटीको सिलगढी नगरपालिकाकोे पद्म पब्लिक मुक्ति नारायण उच्च माविमा तोकिएको छ । उक्त केन्द्रमा प्रदेशसभा सदस्यतर्फ ५३ र स्थानीय तहतर्फ अध्यक्ष, उपाध्यक्ष तथा प्रमुख र उपप्रमुख एक सय ७६ गरी जम्मा दुई सय २९ जना मतदाता रहेका छन् । सातवटा प्रदेशमा प्रदेशसभा सदस्यतर्फका पाँच सय ५० र स्थानीय तहतर्पmका अध्यक्ष, उपाध्यक्ष तथा प्रमुख र उपप्रमुख एक हजार पाँच सय छ गरी कुल जम्मा दुई हजार ५६ जना मतदाता रहेको निर्वाचन आयोगले जनाएको छ ।
क्याटेगोरी : समाचार
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया