२२ लाख रुपैयाँ जरिवाना ठहर भएका बैंकिङ कसुरका फरार प्रतिवादी पक्राउ

काठमाडौं ।
२२ लाख रुपैयाँ जरिवाना ठहर भएका बैंकिङ कसुर मुद्दाका फरार प्रतिवादी पक्राउ परेका छन् । महानगरीय प्रहरी परिसर ललितपुरका अनुसार बिहीबार बैंकिङ कसुर मुद्दामा उच्च अदालत पाटनबाट पाँच दिन कैद र २२ लाख रुपैयाँ जरिवाना ठहर भएका रिमाललाई पक्राउ गरिएको हो ।

प्रहरीका अनुसार ३५ वर्षीय रिमाललाई ललितपुर महालक्ष्मी न.पा. ८ लुभुबाट पक्राउ गरिएको हो । पक्राउ परेका रिमाललाई कैद तथा जरिवाना असुलीतर्फ आवश्यक कारबाहीको लागि ललितपुर जिल्ला अदालत पठाइएको ललितपुर प्रहरीले जनाएको छ ।