काठमाडौं ।
कोरोनाको कारण बिहीबारसम्म एक हजार ५२ जनाको मृत्यु भएको छ भने बिहीबार थप ३ हजार ५१ जनामा कोरोना भाइरस ९कोभिड –१९० को संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो समय १३ हजार ६८ जनाको स्वास्थ्य परीक्षण गर्दा एक हजार २ सय ९ महिला र एक हजार ८ सय ४२ पुरुष गरी उक्त संख्यामा संक्रमण पुष्टि भएको हो । योसँगै नेपालमा कोरोना भाइरस संक्रमितको संख्या १ लाख ८५ हजार ९ सय ७४ पुगेको छ ।
हाल देशभर सक्रिय संक्रमित ३६ हजार ५ सय १४ जना रहेका छन् । मन्त्रालयका अनुसार पछिल्लो २४ घण्टामा निको हुनेको संख्या तीन हजार ४ सय ३० रहेको छ । योसँगै निको हुनेको संख्या एक लाख ४८ हजार ४ सय ८ पुगेको छ । हाल देशभर एक हजार दुई सय ३२ जना क्वारेन्टाइनमा रहेका छन् ।
पछिल्लो २४ घण्टामा थप १८ जनाले ज्यान गुमाएको मन्त्रालयले जनाएको छ । पछिल्लो २४ घण्टामा काठमाडौँ उपत्यकामा १ हजार ३ सय ९८ जनामा कोरोना भाइरस संक्रमण पुष्टि भएको छ । मन्त्रालयका अनुसार काठमाडौँमा एक हजार ९१, ललितपुरमा १ सय ६० र भक्तपुरमा १ सय ४७ जनामा संक्रमण पुष्टि भएको हो ।
मन्त्रालयका अनुसार उपत्यकामध्ये काठमाडौंमा हालसम्म संक्रमितको संख्या ६८ हजार ४ सय ४९ पुगेको छ भने निको हुनेको संख्या ५१ हजार ८ सय ५९ रहेको छ । भक्तपुरमा हालसम्म ६ हजार २ सय ३२ जनामा संक्रमण पुष्टि भएको छ भने निको हुने चार हजार ९ सय १५ रहेका छन् । यस्तै ललितपुरमा कुल नौ हजार ६ सय ६३ संक्रमितमध्ये सात हजार ३ सय २२ जना निको भएका छन् । हाल दुई जिल्ला मनाङ र बाजुराबाहेकका ७५ वटै जिल्लामा सक्रिय संक्रमित रहेका छन् ।
क्याटेगोरी : समाचार
ताजा अपडेट
- उपचार खर्च बेहोर्न नसक्ने जलनपीडितको निःशुल्क उपचार गर्ने निर्णय
- रास्वपा सभापति लामिछानेलाई ६ दिनको म्याद थप
- सङ्क्रमणकालीन न्यायनिरुपणका लागि समिति पुनर्गठन गर्ने सरकारको निर्णय
- बागमती प्रदेशको अध्यक्षमा महेश्वर श्रेष्ठ नियुक्त
- जलवायु परिवर्तनको असर विकराल बन्दै गएको छ: उपप्रधानमन्त्री सिंह
- इजरायली प्रधानमन्त्रीको निवासमा ड्रोन हमला
- जी–७ को रक्षा शिखर सम्मेलन इटालीमा सुरु
- अमेरिकी बजेट घाटा करिब दुई ट्रिलियन बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया