तातोपानी तथा केरुङ नाका पूर्णरूपमा सञ्चालनको लागि पहल गर्न आग्रह
काठमाडौं ।
नेपाल चाइना चेम्बर अफ कमर्सले तातोपानी तथा केरुङ नाका पूर्णरूपमा सञ्चालनको लागि पहल गर्न सरकारसँग आग्रह गरेको छ । नेपाल र चीनबीचको दुई मात्र व्यापारिक तातोपानी तथा केरुङ नाका लामो समयदेखि आंशिकरूपमा मात्रै सञ्चालन हुने र रोकिने अवस्थाबाट गुज्रिरहेको छ । उक्त नाका हालसम्म पूर्णरूपमा सञ्चालन हुन सकेको छैन । व्यापारीहरूले विशेषगरी जाडो, गर्मीयाम तथा चाडवाड लक्षित गरी आयात गरिएका विविध सामानहरू ८–१० महिनादेखि नाकामा अलपत्र अवस्थामा रहेको नेपाल चाइना चेम्बर अफ कमर्सका महासचिव विनोद पौडेलले जानकारी दिए । उनका अनुसार कतिपय खाद्य सामग्री तथा फलफूलहरू विग्रिएको र म्याद सकिने अवस्थामा पुगीसकेको छ ।
नाका सुचारु नभएमा कारण व्यापारी व्यवसायीहरू टाट पल्टने अवस्थामा रहेको र विविध मानसिक चिन्ता एवं विचलन भई आन्दोलित हुने अवस्थामा पुगेको पौडेलले बताए । नेपाल चाइना चेम्बरले बिहीबार एक विज्ञप्ति जारी गर्दै चिनियाँ बजारबाट माल सामानहरू समयमा नेपाल ल्याई बिक्री वितरण गर्न नसकेमा व्यवसाय नै धारासायी भई पलायन हुनुपर्ने अवस्था हुने जनाएको छ ।
लामो समयदेखि हजारौँ ट्रक मालसामानहरू नाकामा अलपत्र अवस्थामा रहेको र नाका सुचारु हुने अवस्था नदेखिएको हुँदा व्यापारीहरूले दुई देशबीच सडकमार्गबाट हुने व्यापारप्रति नकारात्मक टिप्पणी गर्न थालेका छन् । दुई देशबीच विद्यमान सदियौं पुरानो सुमधुर व्यापारिक सम्बन्धप्रति नकारात्मक टिप्पणी तथा आन्दोलित हुने वातावरण कदापि आउन दिन नहुने नेपाल चाइना चेम्बरको भनाइ छ ।
दशैंअगाडि नै नाका पूर्णरूपमा सुचारु हुने भनिए पनि चीनियाँ पक्षले तातोपानी नाकाबाट दैनिक २–४ वटा ट्रकलाई मात्र नेपाल प्रवेशमा अनुमति दिने गरको छ । भन्सारलगायत सम्बन्धित निकायबाट नाका सञ्चालनका लागि प्रयास गरिए पनि चीनियाँ पक्षबाट कुनै ठोस जानकारी, कारण तथा सूचना आउने गरेको छैन । यस अन्यौलको अवस्थालाई निरन्तरता दिनु दुई देशको हितमा कदापि नहुने र मुलुकको राजस्व संकलनमा समेत कमी हुनेहुँदा यस समस्याको समाधानका लागि विशेष पहल गरी धेरैभन्दा धेरै गाडीहरू नेपाल ल्याउने वातावरण बनाउनु जरुरी रहेको नेपाल चाइना चेम्बरले बताएको छ । यसका लागि द्विपक्षीय वार्तामार्फत समस्याको स्थायी समाधान गर्न नेपाल चाइना चेम्बरले सरकारसँग आग्रह गरेको छ ।
क्याटेगोरी : समाचार
ताजा अपडेट
- उपचार खर्च बेहोर्न नसक्ने जलनपीडितको निःशुल्क उपचार गर्ने निर्णय
- रास्वपा सभापति लामिछानेलाई ६ दिनको म्याद थप
- सङ्क्रमणकालीन न्यायनिरुपणका लागि समिति पुनर्गठन गर्ने सरकारको निर्णय
- बागमती प्रदेशको अध्यक्षमा महेश्वर श्रेष्ठ नियुक्त
- जलवायु परिवर्तनको असर विकराल बन्दै गएको छ: उपप्रधानमन्त्री सिंह
- इजरायली प्रधानमन्त्रीको निवासमा ड्रोन हमला
- जी–७ को रक्षा शिखर सम्मेलन इटालीमा सुरु
- अमेरिकी बजेट घाटा करिब दुई ट्रिलियन बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया