सुविधासम्पन्न स्वास्थ्य चौकी भवनको शिलान्यास
खोटाङ ।
खोटाङको हलेसी तुवाचुङ नगरपालिका वडा नम्बर ६ मा सुविधासम्पन्न स्वास्थ्य चौकी भवनको शिलान्यास गरिएको छ । राष्ट्रिय पुनर्निर्माण प्राधिकरणको तीन करोड रूपैयाँबराबरको लगानीमा पाँच श्ययाको उक्त भवन बुधबार शिलान्यास गरिएको हो । एक कार्यक्रमका बीच नगरप्रमुख इवन राई र उपप्रमुख विमला राईले संयुक्तरूपमा बुधबार उक्त भवनको शिलान्यास गरेका हुन् । लामो समयको प्रतीक्षापछि वडामा भवन निर्माणको शिलान्यास भएपछि स्थानीयले खुसी व्यक्त गरेका छन् ।
वडामा मेनपावर भएपनि भौतिक पूर्वाधार र उपकरण नहुँदा यहाँका बासिन्दा अलि ठूलो स्वास्थ्य समस्या हुनेबित्तिकै ओखलढुङ्गा वा सदरमुकाम दिक्तेल जानुपर्ने बाध्यता अब हट्ने वडाध्यक्ष रमेश राउतले बताए । भवन निर्माणको लागि साबिकको वडा नम्बर ३ स्थित खसिनडाँडामा स्थानीय समजसेवी किताबसिंह राई, सन्तसरी राई र श्यामकुमारी राईले ५ रोपनी जग्गा उपलब्ध गराएका छन् । शिलान्यास गरिएसँगै २० जनाभन्दा बढी कामदारले बुधबारबाटै भवन निर्माणको काम थालनी गरेका छन् । भवन एक वर्षभित्र नै निर्माण सम्पन्न गरी वडालाई जिम्मा लगाइने निर्माण कम्पनीले जनाएको छ । पाँच श्ययासहितको १० कोठे सुविधासम्पन्न भवन निर्माणको जिम्मा न्यू टेक्निकल कम्पनीले पाएको छ ।
क्याटेगोरी : समाचार
ताजा अपडेट
- सत्ताइस वर्षदेखि खानेपानी योजना अधुरै
- मुख्यमन्त्री कार्की र स्विस राजदूतबीच भेटवार्ता
- कार्यसम्पादन कमजोर भएका संस्थानको निजीकरण वर्गीकरणका लागि सिफारिस गर्ने निर्णय
- सौर्य विद्युत् परियोजनामा ग्लोबल आइएमई बैंकले कर्जा लगानी गर्ने
- २६ सय ३९ बिन्दुमा खुम्चियो शेयर बजार
- सात करोड लगानीमा सामाखुसी यातायातद्वारा १५ बस सञ्चालन
- खानेपानी मन्त्रालयको सय दिने कार्यप्रगति
- भारतको अटोमोबाइल निर्यात १४ प्रतिशत बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया