विकास निर्माणमा रहेको समस्या पहिचान गर्न सकिए समाधान त्यहीँ भेटिन्छ : मन्त्री नेम्वाङ
काठमाडौं ।
भौतिक पूर्वाधार तथा यातायात मन्त्री वसन्तकुमार नेम्वाङले विकास निर्माणमा देखिएका समस्या मिहिनरूपमा पहिचान गर्न सकिए समाधान त्यहीँ भेटिने बताएका छन् । आव ०७७/७८ को प्रथम चौमासिक प्रगति समीक्षा एवं मन्त्रालयस्तरीय विकास समस्या समाधान समिति बैठकमा उनले समस्याको सही रूपमा उजागर हुन नसके समाधान पनि नहुने बताए । भौतिक पूर्वाधार मुलुकको आर्थिक विकाससँग प्रत्यक्ष जोडिएको उल्लेख गर्दै उनले यस क्षेत्रमा ठूलो बजेट हुनु र खर्चको अपेक्षा गरिनु पनि स्वाभाविक रहेको बताए । पूर्वाधार निर्माणले आर्थिक विकासमा ठूलो भूमिका खेल्ने उनको भनाइ छ ।
मन्त्री नेम्वाङले पूर्वाधार निर्माणको क्षेत्रमा विगत एक दशकमा ठूलो परिवर्तन भएको उल्लेख गर्दै जिम्मेवार निकायमा रहने अधिकारीहरूमा पनि त्यहीअनुसार जिम्मेवारी र लगनशीलतामा परिवर्तन आउनुपर्ने बताए । परिवर्तित अवस्थामा सबै कुराहरूलाई परिवर्तन गरेर जाँदा आशातित प्रतिफल प्राप्त हुने उनको भनाइ थियो । उनले राज्य र जनताका अपेक्षा असाध्यै धेरै भएकाले राज्यको जिम्मेवार निकायमा बसेकाहरूले स्वमूल्याङ्कन गर्नुपर्ने बताए ।
तुलनात्मकरूपमा गतवर्षको भन्दा राम्रो प्रगति देखिए पनि सन्तोष हुन सकिने अवस्था नरहेको उनले बताए । मातहतका निकायलाई गम्भीर समीक्षा गर्न निर्देशन दिँदै उनले भने, ‘धेरै गर्न सकिन्छ । त्यसको लागि मिहिनरूपमा समीक्षा गरिनु पर्छ । समस्याहरू के–के छन् व्यवस्थापन गर्नुपर्छ ।’ साथै उनले समयअनुसार विकासको माग र मोडेल फरक हुने बताए ।
‘हिजो एउटा कालोपत्रे थियो आज छ लेनको बाटोको माग हुन थालेको छ । हिजो पहाडैपहाड, डाँडामाथि चढ्ने र ओरालो झर्ने बाटो थियो, आज सुरुङको आवश्यकता भएको छ’, उनले भने । कार्यक्रममा राष्ट्रिय योजना आयोगका उपाध्यक्ष प्राडा पुष्पराज कँडेलले भौतिक पूर्वाधार क्षेत्र महत्वपूर्ण रहेको उल्लेख गर्दे भौतिक पूर्वाधार तथा यातायात मन्त्रालय फिल्डमा काम भएको मन्त्रालय भएको र सोहीअनुसार काम पनि गरेको दाबी गरे । त्यस्तै भौतिक पूर्वाधार तथा यातायात मन्त्रालयका सचिव रविन्द्रनाथ श्रेष्ठले मातहतका निकायलाई थप इफोर्ट लगाउन निर्देशन दिए । उनले आयोजना प्रमुखहरूलाई कार्यस्थलमा समय दिन समेत निर्देशन दिए ।
क्याटेगोरी : समाचार
ताजा अपडेट
- सत्ताइस वर्षदेखि खानेपानी योजना अधुरै
- मुख्यमन्त्री कार्की र स्विस राजदूतबीच भेटवार्ता
- कार्यसम्पादन कमजोर भएका संस्थानको निजीकरण वर्गीकरणका लागि सिफारिस गर्ने निर्णय
- सौर्य विद्युत् परियोजनामा ग्लोबल आइएमई बैंकले कर्जा लगानी गर्ने
- २६ सय ३९ बिन्दुमा खुम्चियो शेयर बजार
- सात करोड लगानीमा सामाखुसी यातायातद्वारा १५ बस सञ्चालन
- खानेपानी मन्त्रालयको सय दिने कार्यप्रगति
- भारतको अटोमोबाइल निर्यात १४ प्रतिशत बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया