बैैंकिङ कसुरका फरार प्रतिवादी श्रेष्ठ जेल चलान

काठमाडौं ।
बैकिङ कसुरकी फरार प्रतिवादी सुशीला श्रेष्ठ जेल चलान भएकी छिन् । केन्द्रीय अनुसन्धान ब्युरो (सीआईबी) ले श्रेष्ठलाई यही माघ २७ गते मंगलबार काठमाडौंको शान्तिनगरबाट पक्राउ गरी फैसला कार्यान्वयनको लागि बुधबार जगन्नाथदेवल कारागार पठाएको हो ।

सीआईबीका अनुसार आसमान तामाङको जाहेरीले वादी नेपाल सरकार प्रतिवादी सुशीला श्रेष्ठ भएको बैंकिङ्ग कसुर मुद्दामा उच्च अदालत पाटनको २०७६ साउन १४ गतेको फैसलाले चितवन भरतपुर २ बाट नागरिकता प्रमाणपत्र प्राप्त गरी जिल्ला नवलपरासी रहजर गा.वि.स. वडा नं. ९ बाट बसाइसराइ गरी हाल जिल्ला काठमाडौं बूढानीलकण्ठ न.पा. ७ बस्ने वर्ष ४८ की श्रेष्ठलाई पाँच दिन कैद र सात लाख रूपैयाँ जरिवाना हुने ठहर गरेको थियो ।

उक्त सजाय बेरुजु रही फरार रहेकी उनलाई पनि यही माघ २७ गते बेलुका शान्तिनगर, काठमाडौंबाट पक्राउ गरी चितवन जिल्ला अदालतको आदेशबमोजिम कैद भुक्तानको लागि बुुधबार कारागार कार्यालय जगन्नाथदेवलमा पठाइएको हो ।