इराकमा १५ हजार नेपाली, दूतावासको सम्पर्कमा आउन आग्रह
प्रवीण राउत
काठमाडौं, पुस २३
मध्यपूर्वमा युद्धको सन्त्रास फैलिरहेका बेला इराकमा मात्रै करिब १५ हजार नेपाली रहेको खुलेको छ । इराक समेत हेर्दै आएको कुवेतस्थित नेपाली राजदूतावासले इराकमा मात्रै करिब १५ हजार नेपाली रहेको जानकारी दिएको हो । कुवेतको अल जाब्रियामा रहेको नेपाली राजदूतावासले समस्या परेमा आफ्नो सम्पर्कमा आउन आग्रह गरेको दूतावासका डीजीएम प्रकाशमणि पौडेलले जानकारी दिए । पोडेलका अनुसार इराकमा रहेका नेपालीलाई समस्या भए तत्काल दूतावासको सम्पर्कमा आउन भनिएको छ । यसैबीच, परराष्ट्र मन्त्रालयका प्रवक्ता सुरेश अधिकारीले कुवेतस्थित राजदूतावासलाई इराकको पछिल्लो अवस्था हेरेर परराष्ट्रमा ‘ब्रिफिङ’ गर्न निर्देशन दिइएको जानकारी दिए । इराकमा पैसा धेरै कमाइ हुने आशामा धेरै नेपालीहरु आफ्नै हिसाबले रोजगारीका लागि जाने गरेका छन् ।
गत शुक्रबार अमेरिकी सेनाले इराकको बग्दादस्थित अन्तर्राष्ट्रिय विमानस्थलनजिकै इरानी रिभोल्युनरी गार्डको कुद्स युनिटका सेनाका जर्नेल कासिम सुलेमानीलाई ड्रोनबाट क्षेप्यास्त्र हानी हत्या गरेपछि इराकमा युद्धको सन्त्रास फैलिएको छ । मृत्यु भएका कासिमको समर्थन र सहानुभूतिमा इरानमा लाखौँ मानिस जम्मा भएका थिए । उनको अन्तिम समाधि गरिएको छ । कासिमको समाधिसँगै इरानी सेनाले मंगलबार राति इराकमा रहेको अमेरिकी सेनाको दुई सैन्य आधारशिविरमा क्षेप्यास्त्र आक्रमण गरेको थियो ।
इरानको आक्रमणसँगै अमेरिकाले थप कारबाही गर्नसक्ने भएकाले इराकमा इरान–अमेरिका युद्धको नजिक पुगेपछि त्यहाँ रहेका नेपालीबारे सरकारले चासो देखाएको हो । यसैबीच अमेरिकी राष्ट्रपति रोनाल्ड ट्रम्पले बुधवार राति इरानी क्षेप्यास्त्र प्रहारपछि सम्बोधन गर्दै थप आर्थिक प्रतिबन्ध लगाउने बताएका छन् उनले युद्धको घोषणा भने गरेनन ।
क्याटेगोरी : समाचार
ताजा अपडेट
- नेपाल–भारतबीचको समस्या समाधान गर्न सकिन्छ : प्रधानमन्त्री
- विगत पाँच वर्षदेखि निरन्तर घाटामा वायुसेवा निगम
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया