अमेरिकाले नेपाललाई थप एक अर्ब ३० लाख अनुदान दिदैँ

काठमाडौँ । काठमाडौँ । चीनपछि अमेरिकाले पनि नेपाललाई एक अर्ब ३० लाख रुपैयाँको अतिरिक्त सहायता प्रदान गर्ने भएको छ । नेपालका लागि अमेरिकी राजदूत ¥यान्डी बेरीले कोभिड–१९ विरुद्धको नेपालको लडाइँमा सघाउन आफ्नो देशले अतिरिक्त सहायतास्वरुप उक्त रकम प्रदान गर्ने बताएका हुन् ।

शनिबार अपराह्न ट्विट गर्दै उनले अमेरिकाको पुरानो मित्र नेपाललाई महामारीविरुद्धको लडाइँमा भरथेग गर्न अन्तर्राष्ट्रिय विकासका लागि अमेरिकी सहयोग नियोग (यूएसएआईडी)मार्फत उक्त रकम उपलब्ध गराइने बताएका हुन् । ‘कोभिड–१९ विरुद्ध ठूलो सङ्घर्ष गरेको आफ्नो मुलुक नेपालप्रति ऐक्यबद्धता प्रकट गर्दछ, निर्दयी कोरोनालाई परास्त गर्न नेपाल सफल हुनेछ’, उनले ट्विटमा भनेका छन् । चीनले पनि नेपाललाई अतिरिक्त सहयोग दिने यसअघि नै जानकारी दिइसकेको छ ।