कञ्चनपुर, माघ १२
शिक्षा, विज्ञान तथा प्रविधिमन्त्री गिरिराजमणि पोखरेलले प्रत्येक स्थानीय तहहरूमा कम्तीमा पनि एउटा नमूना विद्यालयका रूपमा स्थापित गर्ने सरकारको नीति रहेको बताएका छन् । यसअघि एक निर्वाचन क्षेत्र, एक नमूना विद्यालयको अवधारणामा सरकारले काम गरिरहेको भए पनि अहिले त्यो कम हुने बताउँदै उनले अब एक स्थानीय तह, एक नमूना विद्यालय सरकारको योजना रहेको बताए ।
कञ्चनपुरको बेलौरी नगरपालिका वडा नम्बर ५ रामनगरमा रहेको श्री जन नमूना माविको नमूना विद्यालय शिलान्यास कार्यक्रमलाई शुक्रबार सम्बोधन गर्दै मन्त्री पोखरेलले सबै विद्यालयले आफ्नो गुरूयोजना बनाई कार्य गरे सरकारले नै नमूना घोषणा गरिरहनुनपर्ने बताए । सरकारले ल्याएको नयाँ शिक्षा नीति कार्यान्वयनको चरणमा रहेको उल्लेख गर्दै मन्त्री पोखरेलले सामुदायिक विद्यालयमा शैक्षिक गुणस्तर बढाउन सबैले सकारात्मक सोचको विकास गर्नुपर्ने बताए । पोखरेलले कञ्चनपुरको बेलौरीमा रहेको महाकाली बहुमुखी क्याम्पसको स्तरवृद्धिका लागि पहल गर्ने बताए ।
महाकाली बहुमुखी क्याम्पसमा स्नातकोत्तर तह सञ्चालन र अन्य आवश्यक व्यवस्थापनका लागि क्याम्पस सञ्चालक समितिका अध्यक्ष हरेन्द्र सिंह विष्टले बुझाएको ज्ञापनपत्र ग्रहण गर्दै मन्त्री पोखरेलले सम्बन्धित निकायमा पहल गर्ने सकारात्मक संकेत देखाएका छन् । त्यस्तै, मन्त्री पोखरेलले शुक्रबार नै कञ्चनपुरको पुनर्वासमा कृषि क्याम्पस स्थापनाका लागि स्थलगत अवलोकन गर्नुका साथै पुनर्वास जनता मावि र रामबुद्ध मावि तथा बेलौरीमा रहेको महाकाली बहुमुखी क्याम्पसको स्थलगत अवलोकन गरेका छन् ।
क्याटेगोरी : समाचार
ताजा अपडेट
- धितोपत्र बोर्डको अध्यक्ष चयन प्रक्रिया अन्तिम चरणमा
- सुन र चाँदीको भन्सार दर घट्यो
- प्रहरी विधेयक मन्त्रिपरिषदमा पेस
- रास्वपा सभापति लामिछाने अझै १५ दिन हिरासतमा
- मृत्युपश्चात् मानव अङ्ग दान गर्ने परिवारलाई दुई लाख
- भारतीय स्थल सेनाध्यक्ष उपेन्द्र द्विवेदी स्वदेश फिर्ता
- राष्ट्रिय गौरवका आयोजनाका कामलाई गति दिन प्रधानमन्त्रीको चासो
- कुलमान विरुद्धको पेशी अर्को बर्ष मात्र !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया