विराटनगर । लामो समयदेखि रोकिएको पूर्वाधार निर्माणको काम सुरु हुनै लाग्दा सुनसरी मोरङ औद्योगिक करिडोरका उद्योगीदेखि व्यवसायीले फलामजन्य निर्माण सामग्रीदेखि सिमेन्टको भाउमा एक्कासि वृद्धि गरेका छन् ।
दशैँ, तिहार तथा छठजस्ता पर्वसँगै सुरु हुन लागेको पूर्वाधार निर्माणको सिजनमै निर्माण सामग्रीको मूल्य वृद्धि गरी उपभोक्ताको ढाड सेक्ने नीति उद्योगी तथा व्यवसायीले गरेको उपभोक्ताहरूले गुनासो गर्न थालेका छन् । निर्माणकार्यको सिजन सुरु हुनै लाग्दा र अन्तर्राष्ट्रिय बजारमा कोइलाको मूल्यमा वृद्धि भएको भन्ने बहाना बनाएर निर्माण सामग्री र सिमेन्टको मूल्यमा वृद्धि गरी उपभोक्ताको ढाड सेक्ने काम हुँदा पनि सरकार मुकदर्शक भएको आरोप उपभोक्ताले लगाउन थालेका छन् । एक व्यवसायीका अनुसार पछिल्लो समय फलामे छडको मूल्य प्रतिकेजी १० रुपैयाँदेखि २० रुपैयाँसम्म वृद्धि भएको छ ।
यस्तै सिमेन्टको मूल्यमा ३० प्रतिशतसम्मले वृद्धि भएको व्यवसायीले नै दाबी गरेका छन् । उद्योगीहरूले भने सरकारले ल्याएको स्पन्ज आइरन र बिलेट आयातको नीतिले फलामजन्य सामग्रीको मूल्य वृद्धि भएको बताएका छन् । फलामे छडदेखि अन्य निर्माण सामग्रीको मूल्यमा प्रतिकेजी १५ रुपैयाँदेखि २५ रुपैयाँसम्म कमी आउने अपेक्षा गरिएको भए पनि सरकारले ल्याएको प्रतिस्थापन विधेयकका कारण मूल्य वृद्धि भएको उद्योगीको भनाइ छ ।
विधेयक आउनुअघि स्पन्ज आइरनबाट बनेको डन्डी खरिद गर्दा प्रतिकेजी ७९ रुपैयाँ र प्राइम बिलेटबाट बनेको डन्डी प्रतिकेजी ८३ रुपैयाँ मूल्य कायम रहेको थियो । विधेयकपछि रोलिङ मिल्सहरूले प्रतिस्पर्धा गर्न नसकी उत्पादन नै रोक्न थाल्दा केही डन्डी उत्पादन गर्दै आएका उद्योगीहरूले मूल्यमा कार्टेलिङ गरी जथाभावी मूल्य कायम गरेको यहाँका एक व्यवसायीले जानकारी दिएका छन् । उनका अनुसार अहिले उद्योगहरूले फलामे छड किन्दा प्रतिकेजी एक सय छ रुपैयाँदेखि एक सय १० रुपैयाँसम्ममा दिनेगरेका छन् ।
डन्डीसँगै सिमेन्टको मूल्य पनि वृद्धि भएर आउन थालेको व्यवसायीले बताएका छन् । जसले गर्दा निर्माण हुँदै आएका पूर्वाधार निर्माणका काम पनि महँगो पर्नजाने अवस्था सिर्जना हुन थालेको छ । सिमेन्ट उत्पादनमा तीव्र प्रतिस्पर्धा हुँदा ठूला सिमेन्ट उद्योगले मूल्य बढाउँदा त्यति चासो नदिएको कारण अहिले सिमेन्टको मूल्य साबिक मूल्यमा २० देखि ३० प्रतिशतसम्म बढेको छ । सिमेन्ट उद्योगीहरूले कोइलाको मूल्यमा उच्च वृद्धि भएको र भारतमा पनि सिमेन्टको मूल्यमा वृद्धि भएको बहाना बनाएर नेपालमा पनि मूल्य बढेको दाबी गर्न थालेका छन् । अहिले केही सिमेन्ट उद्योगहरूले मात्र मूल्य बढाएकोले यसलाई समय छँदै नियन्त्रण गर्नतर्फ सरकारले कदम चाल्नुपर्ने व्यवसायीको माग छ ।
क्याटेगोरी : समाचार
ताजा अपडेट
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
- प्रधानमन्त्री ओलीसँग राष्ट्रिय फोटो पत्रकार समूहको भेट
- २७ सय ५६ बिन्दुमा उक्लियो शेयर बजार
- रुपन्देहीमा आयल निगमको लुम्बिनी प्रादेशिक भण्डारण गृह बन्ने
- संविधानको मूलभूत विषयमा कसैले चाहेर पनि संशोधन हुँदैन: थापा
- प्रधानमन्त्री ओली मंसिर १७ गते चीन जाने
- तत्काल उद्योगको लाइन नकाट्ने समितिको बैठकको निर्णयमा दुई सञ्चालकको फरक मत
- सर्वोच्चद्वारा सुन व्यवसायमा संघको सिन्डिकेट रोक्न अन्तरिम आदेश
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया