पहिलो विद्युतीय राहदानी संस्कृतिविद् जोशीलाई
दुई महिनाभित्र सबै ठाउँबाट विद्युतीय राहदानी
काठमाडौं । सरकारले बुधबारदेखि विद्युतीय राहदानी (इ–पासपोर्ट) प्रचलनमा ल्याएको छ । एक कार्यक्रमका बीच परराष्ट्रमन्त्री डा. नारायण खड्काले पहिलो विद्युतीय राहदानी शताब्दी पुरुष तथा संस्कृतिविद् सत्यमोहन जोशीलाई प्रदान गर्दै विद्युतीय राहदानी प्रचलनमा ल्याएका हुन् ।
मन्त्री खड्काले विद्युतीय राहदानी अन्तर्राष्ट्रियजगत्मा प्रयोग हुने र नेपालको पहिचान प्रतिविम्बित गर्ने महत्वपूर्ण कागजात भएको बताए । राहदानी विभागले समयमै सुरक्षित, भरपर्दो, विश्वसनीय तथा अन्तर्राष्ट्रिय रुपमा मान्य विद्युतीय राहदानी जारी गर्न सफल भएकोमा खुसी व्यक्ति गर्दै छिटै ७७ वटा जिल्ला प्रशासन कार्यालयहरु, १८ वटा इलाका प्रशासन कार्यालयहरु र विदेशस्थित ४० वटा नियोगहरुबाट विद्युतीय राहदानी जारी गरिने उनले बताए ।
मन्त्रालयका सचिव भरतराज पौड्यालले यन्त्रवाहक राहदानी (एमआरपी) र विद्युतीय राहदानीको विशेषताहरुको तुलनात्मक वर्णन गर्दै मन्त्रालय एवम नेपाल सरकारका अन्य सहयोगी निकायहरुको समन्वय, सहयोग र निर्देशनमा राहदानी विभागले समयमै विद्युतीय राहदानी जारी गर्न सफल भएको बताए । विद्युतीय राहदानी प्रचलनमा ल्याए पनि सन् २०३१ तथा सोभन्दा पछिसम्म एमआरपी प्रयोग गर्न सकिने समेत उनले जानकारी गराए ।
संस्कृतिविद् जोशीले आफूसँग उपलब्ध भएको पुरानो राहदानी विभागको संग्रहालयमा राख्ने प्रयोजनार्थ विभागका महानिर्देशकलाई दिँदै राहदानी नेपालको राष्ट्रियताको प्रतीक भएको र यसलाई समयक्रमअनुसार अद्यावधिक गरिएकोमा विभागलाई आभार व्यक्त गरे ।
विभागका महानिर्देशक डोरनाथ अर्यालले विद्युतीय राहदानी डाटापेज पोलीकार्वोनेट रहेको, चिप्समा बायोग्राफिक डाटासमेत संग्रहित रहेको र विभिन्न सुरक्षा विशेषतासहित रहेको बताए । सबै स्थानमा प्रत्यक्ष दर्ता प्रणाली जडान हुने, अनलाइनबाट प्रि–इनरोलमेन्ट गरी आफ्नो उपयुक्त समय बुकिङ्ग गरी आवेदन गर्न सकिने र छिटो राहदानी प्रिन्ट हुने भएकोले अहिलेभन्दा समय बचत भई जिल्ला र विदेशस्थित नियोगमा समेत १५ दिनभित्र राहदानी प्राप्त गर्न सकिने गरी डिजाइन गरिएको हुँदा सहजता हुने बताए ।
करिब तीन हप्तापछि राहदानी विभागबाट पूर्ण रुपमा जारी गरिने, डिसेम्बर महिनासम्मा जिल्ला प्रशासन कार्यालयहरु र इलाका प्रशासन कार्यालयहरुबाट र जनवरी महिनासम्मा विदेशस्थित नेपाली नियोगहरुबाट विद्युतीय राहदानी जारी गर्ने विभागको योजना छ ।
विद्युतीय राहदानीसँग राष्ट्रिय परिचयपत्रको अन्तराबद्धता मिलाइएको हुँदा राष्ट्रिय परिचयपत्र बनाउन आवेदन गर्दा प्रयोग भएको औँठाछाप र तस्बिर विद्युतीय राहदानीको लागि प्रमाणीकरणको प्रमुख आधार भएकोले विद्युतीय राहदानी बनाउनुअघि अनिवार्यरुपमा राष्ट्रिय परिचयपत्रको लागि आवेदन गर्न पनि विभागले अनुरोध गरेको छ ।
यसअघिको बाध्यकारी व्यवस्थाअनुरुप एमआरपी जारी गरेअनुरुप विद्युतीय राहदानी भने वितरण गरिएको होइन । पछिल्लो समय विश्वमा विद्युतीय राहदानीको बढ्दो प्रयोगसँगै सरकारले यसलाई मुलुकमा लागू गरेको हो । यसअघि अन्तर्राष्ट्रिय नागरिक उड्डयन संगठन (आईकाओ) ले हस्तलिखित राहदानी मान्य नहुने भएसँगै नेपालमा एमआरपी लागू गरिएको थियो । बाध्यकारी व्यवस्था भएसँगै सरकारले हस्तलिखित राहदानी अन्त्य गरेको थियो । सोहीअनुरुप २०६७ पुस ११ देखि नेपालमा एमआरपी जारी गरिएको हो । हालसम्म ६९ लाख २६ हजार पाँच सय १७ वटा राहदानी विभागले वितरण गरेको छ । सो संख्यामा करिब शतप्रतिशत एमआरपी वितरण गरिएको हो । त्यसभन्दा अघि नेपालमा हस्तलिखित राहदानी प्रयोगमा थियो ।
सरकारले आईकाओको प्रावधानअनुसार एमआरपी जारी गर्ने कार्यलाई सुव्यवस्थित गर्न २०६७ जेठ ११ देखि केन्द्रीय राहदानी कार्यालय स्थापना गरेको थियो भने विभागले राहदानी ऐन, २०२४ र राहदानी नियमावली, २०७७ अनुसार राहदानी वितरण गर्दै आएको छ । विभागले पहिलो चरणमा २० लाख विद्युतीय राहदानी छपाइ र पर्सनलाइजेसन गर्नेछ। विद्युतीय राहदानी त्रिपुरेश्वरस्थित पर्सनलाइजेसनसेन्टरबाट वितरण गरिनेछ । (आर्थिक देनिकबाट)
क्याटेगोरी : समाचार
ताजा अपडेट
- भ्रष्टाचार मुद्दामा विकल पौडेल र सफल श्रेष्ठलाई ८ वर्ष कैद,३ करोड बढी बिगो जरिवाना
- अर्थमन्त्री पौडेल र फिनल्याण्डका विकासमन्त्री ताभियोबीच भेटवार्ता
- वर्ल्डलिङ्क कम्युनिकेसन्समा फिनफण्डको एक करोड युरो लगानी
- रास्वपा सभापति लामिछानेलाई काठमाडौँ लगियो
- ‘हिउँ चितुवा संरक्षणमा लगानी बढाउनुपर्छ’
- हनी ट्रयापमा संलग्न रहेको अभियोगमा तीन जना पक्राउ
- नाष्टको ४८औँ प्राज्ञसभा: १२ विधामा पुरस्कृत गरिने
- २७ सय ४८ बिन्दुमा खुम्चियो शेयर बजार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया