घरजमिन जोगाइदिएर कोरिडोर बनाउन खल्लामछेट्टीका स्थानीयको आग्रह
धन बहादुर जप्रेल २०७८, पुस ११ १३:१२ 
कन्चनपुर । कञ्चनपुरको भीमदत्त नगरपालिका ९ खल्लामछेट्टीका स्थानीयले महाकाली कोरिडोर ब्रम्हदेव–झुलाघाट–दार्चुला–तिङकर सडक निर्माण गर्दा स्थानीयको जमिन, खेत, घर जोगाई निर्माण गर्न आग्रह गरेका छन् । गाउँबाट सडक निर्माण कार्य राम्रो भए पनि केही नेता, जनप्रतिनिधिहरूले पुर्वाग्राही ढंगबाट आफूहरूको घरखेतबाटै सडक लैजान लागेको उनीहरूको गुनासो छ ।
स्थानीय राजेन्द्र टमाटाले नक्साभन्दा बाहिर सडक ल्याएर आफ्नो घरखेत सडकमा पारिएको बताए । ‘यो सडक पश्चिम भएर जानुपर्ने हो’, उनले भने, ‘बढी पूर्वतिर तानेर मेरो घरखेत नै नासिदियो ।’ उनले घर, जमिनको क्षतिपूर्ति समेत दिनुपर्ने माग गरेका छन् । अर्का स्थानीय धनगिरी चुनाराले सडक गएको घरखेत, जमिनवालालाई सरकारले क्षतिपूर्ति दिनुपर्ने बताए । गाउँ स्थानीय अगुवा भैरव बोहराले कम क्षति हुनेगरी सिधै सडक निर्माणमा जोड दिए । महाकाली कोरिडोर ब्रम्हदेव–झुलाघाट–दार्चुला–तिङकर सडकखण्डका सव इन्जिनियर दौलतसिह धामीले नक्साअनुरुप सडक विस्तार भइरहेको बताए । ‘हामीले कसैको घरखेत नास्ने तरिकाले सडक निर्माण गर्न खोजेका छैनौँ’, उनले भने, ‘नक्साअनुरुप सडक निर्माण भइरहेको छ, जनता खुसी छन् ।’
भीमदत्त नगरपालिका ९ का वडाध्यक्ष राम नाथले ऐलानी जमिन भएकाले मुआब्जा दिन नसकिने बताउँदै कुनै स्थानीयको ठूलै क्षति हुने देखिए केही मिलाउन सकिने बताए । उनले दार्चुलादेखि कञ्चनपुरसम्म सडक निर्माणकार्य ऐतिहासिक भएकाले सबैको सहयोग अपरिहार्य रहेको बताए । ‘त्यहाँ ०६५ सालमै सडक निर्माणका लागि नक्सा बनेको हो’, उनले भने, ‘नक्साअनुरुप सडक अघि बढेको छ, गाउँमा सडक पुग्दा खुसी हुनुपर्नेमा विरोध गर्नुको कुनै तुक छैन ।’
क्याटेगोरी : समाचार
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया