निर्वाचन नागरिक शिक्षा प्रवर्द्धन गर्न १७ प्रकारका हाते पुस्तिका सार्वजनिक
काठमाडौं, फागुन ७
निर्वाचन आयोगले १७ प्रकारका नागरिक शिक्षा प्रवर्द्धन स्रोत पुस्तिका सार्वजनिक गरेको छ । आयोगले मंगलबार चौथो निर्वाचन दिवसका अवसरमा पारेर आगामी निर्वाचनमा मतदाता सहभागिता बढाउन, बदर मत घटाउन र निर्वाचनको महत्व बुझाउन उक्त पुस्तक सार्वजनिक गरेको हो । पुस्तकको लोकार्पण गर्दै प्रमुख निर्वाचन आयुक्त दिनेशकुमार थपलियाले हरेक मतदातामा निर्वाचनको महत्व बुझ्न र निर्वाचनमा सहभागी बढाउने सन्देश प्रवाह गर्न उक्त पुस्तक सहयोगी हुने बताए ।
सत्र प्रकारका हाते पुस्तिकामध्ये पहिलो तहका लागि रातो रङ्गमा पाँचवटा स्रोत पुस्तिका मतदान, मतदाता नामावली, लोकतन्त्र, निर्वाचन र समावेशीता र निर्वाचन शीर्षकमा प्रकाशित गरिएको छ भने दोस्रो तहका लागि प्याजी रङ्गमा छवटा स्रोत पुस्तिका निर्वाचनको महत्व, मतदानको महत्व, मतदाता नामावलीमा नाम दर्ता, निर्वाचन र राजनीतिक दल, समावेशी निर्वाचन र परिवर्तन र निर्वाचनसम्बन्धी संवैधानिक व्यवस्था शीर्षकमा प्रकाशित गरिएको छ ।
यसैगरी तेस्रो तहका लागि निलो रङ्गमा छवटा स्रोत पुस्तिका निर्वाचन विवाद र विवाद निरूपण, निर्वाचन र सामुदायिक संस्थाको भूमिका, नेपालको निर्वाचन प्रणाली, निर्वाचन र निर्वाचन चक्र, लोकतन्त्रका लागि निर्वाचन र समावेशीकरण शीर्षकमा स्रोत पुस्तिका प्रकाशन गरिएका छन् । उक्त स्रोत पुस्तिका प्रयोगसम्बन्धी निर्देशिकासमेत प्रकाशन गरिएको छ । समुदायमा आधारित विभिन्न संघसंस्थाहरूलाई निर्वाचन र नागरिक शिक्षामा क्षमता अभिवृद्धि गरी बुझाइको दायरालाई फराकिलो पार्न तथा स्पष्टरूपमा निर्वाचनमार्फत योग्य प्रतिनिधि निर्वाचित गर्नको लागि यी पुस्तकहरू सहयोगी स्रोतको रूपमा रहने आयोगले बताएको छ ।
निर्वाचन कार्यक्रमका लागि नागरिक शिक्षा प्रवर्द्धन स्रोत पुस्तिका तयार गरी समुदायमा आधारित संघसंस्थामार्फत निर्वाचन तथा मतदाता शिक्षा अघि बढाउने कार्यक्रम बनाइएको हो । मतदातालाई श्रव्यदृश्यका माध्यमबाट निर्वाचन र मतदानका सम्बन्धमा जानकारी गराउन, मताधिकार र मतको महत्व बोध गराई सहभागिता जनाउन र आफूले प्रदान गरेको मतको सदुपयोग गर्न मतदातालाई सचेत एवं जागरुक गराउने उद्देश्यले यूएनडीपी ईएस्पीको सहयोगमा तयार गरिएको ‘एक भोट’ नामक लघु चलचित्र पनि मंगलबारबाट नै प्रदर्शन प्रारम्भ भएको छ । चलचित्रमा निर्वाचनमा एक भोटको महत्व तथा निर्वाचनका समयमा हुनसक्ने अवाञ्छित क्रियाकलापबाट निर्वाचनलाई के–कसरी प्रभावित गर्न सक्दछ र त्यसबाट सजग र सचेत कसरी रहने भन्ने सन्देश छ ।
समुदायमा आधारित विभिन्न संघसंस्थालाई निर्वाचन र नागरिक शिक्षामा क्षमता अभिवृद्धि गरी बुझाइएको दायरालाई फराकिलो पार्न तथा स्पष्टरूपमा निर्वाचनमार्फत योग्य प्रतिनिधि निर्वाचित गर्न सहयोगी हुने अपेक्षा गरिएको छ । उपनिर्वाचन, २०७६ का सन्दर्भमा निर्वाचनसम्बन्धी गतिविधिलाई समेटेर छायाङ्कन गरिएको संक्षिप्त भिडियोसमेत प्रदर्शन गरिएको थियो । सो अवसरमा आयोग र मातहतका कार्यालयमा दीर्घसेवा गर्ने चार कर्मचारीलाई नगद पुरस्कार र प्रमाणपत्र प्रदान गरिएको आयोगले जनाएको छ ।
साथै आयोगले विभिन्न कार्यक्रमहरू गरी निर्वाचन दिवस मनाएकोे छ । आयोग परिसरमा वृक्षरोपण, सरसफाइ, खेलकुद र रक्तदानलगायतका कार्यक्रम सम्पन्न भएको आयोगले जनाएको छ । आयोग परिसरमा भएको वृक्षारोपण तथा सरसफाइ कार्यक्रममा आयोगका प्रमुख निर्वाचन आयुक्त, निर्वाचन आयुक्त तथा सचिवलगायतका कर्मचारीहरूको सहभागिता रहेको थियो भने कर्मचारीहरूका बीच मेच घुमाई खेल सञ्चालन गरिएको थियो । नेपाल रेडक्रम सोसाइटीको समन्वय र सहयोगमा भएको रक्तदान कार्यक्रममा ५३ जनाले रक्तदान गरेका थिए । रक्तदान कार्यक्रम आयोग परिसरमा रहेको सशस्त्र प्रहरी बल, नेपाल २४ नं गुल्म हे.क्वा.प्र.का.सु., कान्तिपथबाट रक्तदानमा उल्लेख्य सहभागिता रहको थियो ।
क्याटेगोरी : समाचार
ताजा अपडेट
- ‘न्यायालयप्रति विश्वास छ, सघाउँछौँ’
- वीरगञ्जको घडीअर्वा पोखरीमा छठको तयारी थालियो
- थुनुवा मृत अवस्थामा फेला
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया