आधारभूत सहकारीका अध्यक्ष देवकोटा साइबर क्राइमको अपराधी !
प्रबन्धनिर्देशक सविना ठगीमा डामिएको खुलासा !
काठमाडौं । इन्द्रचोकमा कार्यालय रहेको आधारभूत बहुउद्देश्यीय सहकारी संस्थाका अध्यक्ष खड्गबहादुर देवकोटा विद्युतीय अपराध (साइबर क्राइम) मा कारबाही परेको व्यक्ति भएको खुलासा भएको छ ।
काठमाडौं जिल्ला अदालतका न्यायाधीश हेमन्त रावलको इजलासले २०७३ साल जेठ ९ गते उनलाई कारबाहीको फैसला गरेको थियो । शोभादेवी शर्माको जाहेरीले नेपाल सरकार वादी रहेको मुद्दामा देवकोटा दोषी ठहरिएका हुन् । उक्त मुद्दामा उनलाई पाँच हजार रुपैयाँ जरिवाना भएको थियो ।
त्यसैगरी उनकी श्रीमती समेत रहेकी आधारभूत सहकारीकी प्रबन्धनिर्देशक सविना वाग्ले देवकोटा यसअघि नै सहकारी ठगीमा डामिएको व्यक्ति भएको खुलासा भएको छ ।
साना किसान कृषि जागरण सहकारी संस्था बर्दिबासको ११ लाख ६५ हजार रुपैयाँ ठगिएको आरोप लगाएर संस्थाका अध्यक्ष सुरेन्द्रराज लामाले उनीविरुद्ध महोत्तरी जिल्ला अदालतमा मुद्दा हालेका थिए ।
उक्त सहकारी संस्थाले वाग्लेलाई २०७० जेठ २५ गते व्यवस्थापक नियुक्त गरेको थियो र २०७० असोज ३ गते संस्थाको रकम ११ लाख ६५ हजार रुपैयाँ लिएर उनी सम्पर्कविहीन बनेकी थिइन् । २०७१ असार २६ गते महोत्तरी जिल्ला अदालतका न्यायाधीश कृष्ण मुरारी शर्माको इजलासले गरेको फैसलामाथि चित्त नबुझेपछि सविनाले ठगी गरेको भन्दै सहकारीका अध्यक्ष लामाको जाहेरीले नेपाल सरकार पुनरावेदनमा गएको थियो ।
आपराधिक पृष्ठभूमि भएका देवकोटा दम्पतीले पुनः गत जेठ १३ गते ज्यान मार्ने उद्योग गरेको भनी प्रहरी वृत्त लैनचौर सोह्रखुट्टेमा किटानी जाहेरी परेको थियो । उनीहरुले भाडाका गुण्डा लगाएर गत जेठ ८ गते रोमनाथ भण्डारीमाथि सांघातिक आक्रमण गरेका थिए ।
जाहेरीपछि देवकोटा दम्पतीलाई प्रहरीले गत जेठ १८ गते पक्राउ गरी थुनामा राखेको थियो । ज्यान मार्ने उद्योगमा थुनामा जानु अघिदेखि नै उनीहरुले सञ्चालन गर्दै आएको आधारभूत सहकारीविरुद्ध ठगीको आरोपमा उजुरी आउन सुरु भएकोमा यतिबेला सहकारीमा भीड समेत लाग्नथालेको छ ।
आफूले राखेको पैसा भनेको समयमा नदिएर आजभोलि भन्दै महिनौँ झुलाउन थालेपछि पीडितहरुले ठगी गरेको भन्दै जिल्ला प्रहरी कार्यालय टेकु र उनीहरुलाई थुनामा राखिएको सोह्रखुट्टेमा समेत उजुरी हालेका छन् । राजनीतिकदेखि न्यायालयमा समेत आफूले भनेजस्तो निर्णय आउँछ भन्दै हिँड्ने गरेका देवकोटा दम्पतीको बन्दी प्रत्यक्षीकरणको रिट सर्वोच्चले खारेज गरिदिएसँगै शुक्रबार जेल गएका दम्पतीलाई सोमबार काठमाडौं जिल्ला अदालतले थुनछेक बहसपछि ३०÷३० हजार धरौटीमा रिहा गरेको छ ।
क्याटेगोरी : समाचार
ताजा अपडेट
- बीमा कम्पनीमा एनएफआरएस–१७ कार्यान्वयनमा ल्याइने
- वार्षिक नवीकरण शुल्क बुझाउन नेप्सेको ताकेता
- नबिल बैंकका ग्राहकलाई र्याडिसन होटलमा छुट
- गरिमा क्यापिटलद्वारा बम्पर दशैँ योजना
- साहस ऊर्जाले लाभांश वितरण गर्ने
- खुम्चियो आत्मनिर्भर लघुवित्तको खुद नाफा
- महालक्ष्मी विकास बैंक र मनकामना दर्शनबीच सम्झौता
- एनएमबीका दुई म्युचुअल फन्डको लाभांश घोषणा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया