काठमाडौं । काठमाडौँ महानगरपालिकाले आगामी आर्थिक वर्ष २०७९/८० का लागि चालू आवको भन्दा सात अर्ब बढी बजेट ल्याएको छ । महानगरले आगामी आवको लागि २५ अर्ब ४१ करोड ९६ लाख ९६ हजार रूपैयाँबराबरको बजेट प्रस्तुत गरेको हो । कामपाको उपप्रमुख सुनिता डङ्गोलले शुक्रबार नगरसभामा उक्त रकमबराबरको बजेट प्रस्ताव गरेकी हुन् ।
कामपाले चालू आवका लागि १८ अर्ब ९५ करोड ७७ लाख १२ हजारको बजेट ल्याएको थियो । जसमा सबैभन्दा धेरै भौतिक पूर्वाधारको क्षेत्रमा १० अर्ब ८० करोड बजेट पारित भएको थियो । आगामी आवका लागि पनि कामपाले चालू आवको जस्तै पूर्वाधार विकासका लागि सबैभन्दा धरै ११ अर्ब आठ करोड रूपैयाँ बजेट प्रस्ताव गरेको छ । नगरसभामा उपप्रमुख डङ्गोलले कार्यालय खर्चका लागि चार अर्ब ६८ करोड बजेट प्रस्ताव गरेको जानकारी दिइन् । यो कुल बजेटको २० प्रतिशत हो । यस्तै आर्थिक विकास कार्यक्रमका लागि कुल बजेटको २ दशमलव २४ प्रतिशतले हुनआउने ५० करोड २१ लाख २४ हजार रूपैयाँ विनियोजन गरिएको छ ।
स्रोत व्यवस्थापनतर्फ भने महानगरको सञ्चित कोषमा जम्मा हुने २२ अर्ब ३६ करोड ९५ लाख ४१ हजारबाहेक संघीय सरकारबाट प्राप्त हुने सामाजिक सुरक्षा भत्ता, संघीय सरकार र प्रदेश सरकारबाट प्राप्त हुने विभिन्न अनुदान तथा राजस्व बाँडफाँट र जग्गा एकीकरण आयोजनाहरूबाट प्राप्त हुने महानगरले जनाएको छ । यस्तो आम्दानी सञ्चित कोषबाहेक तीन अर्ब पाँच करोड एक लाख ४७ हजार रहनेछ । संवैधानिक व्यवस्थाअनुसार कामपाले यही असार ८ गते नीति तथा कार्यक्रम पारित गरेको थियो भने सोहीअनुसार शुक्रबार नगरसभामा बजेट प्रस्तुत गरेको हो ।
क्याटेगोरी : समाचार
ताजा अपडेट
- महाकवि देवकोटाको ११६ औँ जन्मजयन्ती मनाइँदै
- अपर राहुघाट जलविद्युत् आयोजना निर्माणको अन्तिम चरणमा
- देउसी खेलेर क्याम्पसमा अक्षय कोष स्थापनाको प्रयास
- अन्नपूर्णआरोहण आधार शिविरमा अहिलेसम्मकै धेरै पर्यटक भित्रिए
- दोलखामा बृहत् स्वास्थ्य शिविर
- दराज नेपालको छैठौँ विक्रेता सम्मेलन
- केटिएम नेपालको ‘केटिएम ट्रयाक टेस्ट एक्सपिरियन्स’
- हिरोको दशैं तिहार अफरअन्तर्गत पाँच लाख क्यासका विजेता घोषणा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया