काठमाडौं । अध्यक्ष माधव कुमार नेपालको स्वार्थअनुसार सरकारमा सहभागी नेकपा एकीकृत समाजवादीका मन्त्रीहरु हटाउने र थप्ने काम भएको छ । यसरी मन्त्रीहरु हटाउँदा समाजवादीमा चर्को विवाद भएको छ भने बाहिरिने मन्त्रीहरुले मन्त्रालयमा रुँदै पत्रकार सम्मेलन गरेका छन् ।
बजेट पास भएपछि राजीनामा दिन तयार रहेका मन्त्रीहरुलाई माधव नेपालले जबर्जस्ती हटाउन लगाएपछि मन्त्रीहरुले सामूहिक विद्रोहको प्रयास पनि गरेका थिए । त्यसमा भरपर्दो साथ नभएपछि मन्त्रीहरुले आइतबार राजीनामा दिएपछि मन्त्रिपरिषद्मा हेरफेर गरिएको छ ।
राष्ट्रपति विद्यादेवी भण्डारीले गत असार २९ गते गठित मौजुदा मन्त्रिपरिषद्मा आइतबार हेरफेर गरेकी छिन् । राष्ट्रपति भण्डारीले संविधानको धारा ७६ को उपधारा (९) तथा धारा ७८ को उपधारा (१) बमोजिम प्रधानमन्त्री शेरबहादुर देउवाको सिफारिसमा चार मन्त्री र एक राज्यमन्त्रीको नियुक्ति र कार्यविभाजन तोकेको राष्ट्रपति कार्यालयले जनाएको छ ।
नयाँ मन्त्रीहरुमा जीवनराम श्रेष्ठ संस्कृति, पर्यटन तथा नागरिक उड्डयन मन्त्रालय, मेटमणि चौधरी सहरी विकास मन्त्रालय, भवानीप्रसाद खापुङ स्वास्थ्य तथा जनसङ्ख्या मन्त्रालय र शेरबहादुर कुँवरले श्रम, रोजगार तथा सामाजिक सुरक्षा मन्त्रालयको जिम्मेवारी प्राप्त गरेका छन् । त्यसैगरी राज्यमन्त्रीमा हिराचन्द्र केसी स्वास्थ्य तथा जनसङ्ख्या मन्त्रालय रहेका छन् ।
माधव नेपालको हस्तक्षेपछि प्रेम आले, कृष्ण कुमार श्रेष्ठ, रामकुमारी झाक्री, विरोध खतिवडाको मन्त्री पद खोसिएको छ । मन्त्री हेरफेरसँग समाजवादीमा तीव्र असन्तुष्टि देखिएको छ । यसले उक्त पार्टीलाई थप कमजोर पारेको छ । नयाँ मन्त्रीहरुले सोमबार शपथ लिने कार्यक्रम छ ।
क्याटेगोरी : समाचार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया