१२ सय मेगावाटको बूढीगण्डकी आयोजना कम्पनी मोडलमा बन्ने
काठमाडौं । सरकारले १२ सय मेगावाटको बहुप्रतीक्षित बूढीगण्डकी जलविद्युत् आयोजना आफैँले बनाउने निर्णय गरेको छ । मंगलबार बसेको मन्त्रिपरिषद् बैठकले कम्पनी बनाएर आयोजना निर्माण अघि बढाउने निर्णय गरेको हो ।
बैठकले यसका लागि कम्पनी खोल्न अनुमति दिने निर्णय गरेको छ । योसँगै पटक–पटक गिजोलिएको आयोजना अब भने अघि बढ्ने अपेक्षा गरिएको छ। ऊर्जा, जलस्रोत तथा सिँचाइमन्त्री पम्फा भुसालले कम्पनी मोडलको प्रस्ताव बैठकमा पेस गरेकी थिइन् । उनको प्रस्तावलाई मंगलबारको मन्त्रिपरिषद् बैठकले अनुमोदन गरेको हो ।
यसअनुसार ऊर्जा मन्त्रालय, अर्थ मन्त्रालय, नेपाल विद्युत् प्राधिकरण, विद्युत् उत्पादन कम्पनी, स्थानीय र सर्वसाधारणको लगानीमा आयोजना बन्नेछ । प्रस्तावित कम्पनीको अधिकृत पुँजी ६० अर्ब रुपैयाँ रहनेछ भने तत्काल जारी पुँजी २० अर्ब रुपैयाँ हुनेछ । यसमा संस्थापकहरुले १० अर्ब रुपैयाँ पुँजी चुक्ता गर्न कबोल गर्नुपर्ने ऊर्जा मन्त्रालय स्रोतले जानकारी दियो । यो कम्पनीमा ऊर्जा मन्त्रालयको ४० प्रतिशत, अर्थ मन्त्रालयको २५ प्रतिशत, विद्युत् प्राधिकरणको १४ प्रतिशत, प्रस्तावित कम्पनीको १ प्रतिशत, स्थानीयको १० प्रतिशत र सर्वसाधारणको १० प्रतिशत रकम लगानी हुनेछ ।
यो भनेको क्रमशः तत्तत् निकायको २४ अर्ब, १५ अर्ब, झण्डै साढे आठ अर्ब, ६० करोड र ६÷६ अर्ब लगानी रकम हो । यसअघि चिनियाँ कम्पनी गेजुवाले बूढीगण्डकी आयोजना निर्माण गर्ने अवसर पाएको थियो । तर कम्पनीले लाइसेन्स मात्रै होल्ड गरेर बसेपछि २०७८ चैत २४ मा बसेको मन्त्रिपरिषद्को बैठकले आयोजना खोस्ने निर्णय गरेको थियो । चार वर्षसम्म पनि काम अघि नबढाएपछि सरकार अहिले आफैँले बनाउने अवस्थामा पुगेको हो । यो महत्वाकांक्षी आयोजनाको सफलता राष्ट्रिय अर्थतन्त्रसँग लाभदायी हुने भएकाले पनि बहुप्रतीक्षित मानिएको छ ।
क्याटेगोरी : समाचार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया