काठमाडौं । कालीमाटीमा रहेको युनिक पावर सिष्टमले गरेको भ्याट छलीमा राज्यका जिम्मेवार निकायहरु बेखबर पाइएको छ । भारतीय नागरिक सुनिल कुमार शर्माले सञ्चालन गर्दै आएको युनिक पावरले स्मार्ट टेकका इन्भर्टर र ब्याट्री, फुजीको ब्याट्री, भोल्टगार्डको ब्याट्री, सवारीसाधनको ब्याट्री तथा सोलार प्यानल बिक्री गर्दै आएको छ ।
युनिक पावरले भ्याट छली गरी साधारण बिलमार्फत कारोबार गरिरहेको विषयमा अनुसन्धान गर्नुपर्ने सरकारी संयन्त्रहरुलाई सो बारेमा जानकारी नै नभएको पाइएको हो ।
अनुगमन गर्ने सरकारी कार्यालयका प्रतिनिधिले आर्थिक दैनिकसँग कुरा गर्दै यस विषयमा आफूहरुलाई जानकारी नभएको र अनुसन्धान पनि नभएको बताए । उनले यस विषयमा आज आफू व्यस्त रहेकाले बुझेर बताउने भन्दै आफ्नो र आफूसँग गरेको कुराकानीलाई समाचार नबनाइदिन समेत आग्रह गरे ।
त्यसो त नेपालमा मनपरितन्त्र चलिरहेको आम जनताले बताउँदै आएका छन् । सरकारी कर्मचारी, नेता तथा तिनका कार्यकर्ताहरु आफ्नो र आफ्नो आसेपासेको आवश्यकता पूरा गर्नुको साथै भ्रष्टाचारमा समेत लिप्त रहेकोले उद्योगीहरु समेत मूल्यवृद्धि तथा कालोबजारी नै गरेर भए पनि पैसा कमाउने धन्दामा लागेको आरोप लाग्दै आएको छ ।
यस्तो धन्दा चलिरहेको जनस्तरबाटै कुराहरु आउँदा समेत अनुगमन गर्नुपर्ने सरकारी निकायहरु सुस्त हुनुले यस्तो धन्दामा कतै मिलेमतो त छैन भन्ने आशंकाहरु गरिएका छन् ।
यसैको एक उदाहरण हो भारतीय नागरिक शर्माको कारोबार । शर्मालाई सोमबार आर्थिक दैनिकका प्रतिनिधिले साधारण बिलको प्रयोगको सम्बन्धमा जिज्ञासा राख्दा समेत उनले पटक–पटक विज्ञापनमार्फत समाचार मिलाउन भन्दै अनुरोध गरिरहेका थिए । उनले यसअघि पनि आफ्नाबारे प्रश्न उठ्दा यसरी नै मिलाउने गरेको समेत स्वीकार गरेका थिए ।
यसै पनि नेपालमा भारतको प्रभाव अत्यधिक रहँदा नेपालमा मूलतः भारतीय व्यापारीहरु नै सक्रिय र प्रभावशाली रहँदै आएका छन् । भारतीयमूलका व्यापारीहरुले चाहेजस्तै नीति नियमहरु बन्ने र यस्ता व्यापारीहरुको अनुगमन नै नगर्नेसम्मको सिष्टम नेपालमा हुँदै आएको बताइन्छ ।
क्याटेगोरी : समाचार
ताजा अपडेट
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
- आजको विदेशी मुद्रा विनिमयः अमेरिकी डलर, यूरो र पाउन्डको मूल्य घट्यो
- रुपन्देहीमा उद्योग खोल्नेभन्दा बन्द गर्ने धेरै, दुई महिनामा एक सय आठ उद्योग बन्द
- अमेरिकी केन्द्रीय बैंकले घटायो ब्याजदर
- श्रीलङ्कामा आर्थिक मन्दीपछि पहिलो पटक शनिबार मतदान हुुँदै
- ग्रीनल्यान्डमा २० हजार लिटर डिजेल बोकेको जहाज डुब्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया