काठमाडौं । जनकपुर चुरोट कारखानालाई फेरि सञ्चालनमा ल्याउने उद्योग, वाणिज्य तथा आपूर्तिमन्त्री दिलेन्द्रप्रसाद बडू बताएका छन् । वर्षौँदेखि बन्द अवस्थामा रहेको चुरोट कारखानाको मेसिनहरूको बुधबार निरीक्षण गर्दै मन्त्री बडुले चुरोट कारखाना सञ्चालनमा ल्याउने बताएका हुन् ।
नेपालको आर्थिक विकासमा जनकपुर चुरोट कारखानाको निकै ठूलो योगदान रहेकाले यो कारखाना सञ्चालन हुँदा नै देशको लागि लाभदायक हुने उनले बताए । उनले कारखानाको मेसिन तथा अन्य संरचनाहरू राम्रो अवस्थामा रहेकाले सके सरकारले नभए पनि निजी क्षेत्रसँग सहकार्य गरेर कारखाना सञ्चालनमा ल्याउने बताए । उक्त कारखाना सञ्चालनमा ल्याए मुलुकको व्यापारघाटामा केही मात्रामा भए पनि कमी ल्याउन सकिने उनको भनाइ थियो ।
नेपालकै ठूलो कारखानामध्ये एक रहेको जनकपुर चुरोट कारखानाको मेसिन भएको क्षेत्र तथा गोदानहरू अहिले नेपाल सरकारको उद्योग मन्त्रालयको अधीनमा रहेको बताउँदै मन्त्री बडूले सञ्चालनको विषयमा योजना बनाउने जानकारी दिए ।
उक्त कारखाना भएको ठाउँमा मधेश प्रदेश सरकारको मुख्य प्रशासनिक भवन बनाउनका लागि केही दिनअगाडि मात्रै मुख्यमन्त्री लालबाबु राउतसहितका मधेश सरकारका मन्त्रीहरूले प्रधानमन्त्री शेरबहादुर देउवालाई ज्ञापनपत्र बुझाएका थिए ।
बुधबार उद्योग, वाणिज्य तथा आपूर्तिमन्त्री बडूसँग कारखानाको स्थलगत निरीक्षणमा मधेश प्रदेश सरकारका भौतिक पूर्वाधार विकास मन्त्री रामसरोज यादव र नेपाली कांग्रेसका नेताहरू सहभागी थिए । यसअघिका उद्योग मन्त्रीहरू महेन्द्र राय यादव, अनिल झा, मातृका प्रसाद यादवलगायतले समेत आफ्नै पालामा जनकपुर चुरोट कारखानालाई फेरि सञ्चालन गर्ने बताए पनि केही उपलब्धि हुनसकेको छैन ।
क्याटेगोरी : समाचार
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया