विराटनगर, फागुन १२
उद्योग संगठन मोरङले आयोजना गरेको कृषि तथा औद्योगिक मेला विराट एक्स्पो भव्यताका साथ सम्पन्न भएको छ । एक्स्पोे समापन गर्दै स्वास्थ्य तथा जनसंख्या मन्त्री भानुभक्त ढकालले अगामी वर्षदेखि हुने एक्स्पोहरुका लागि आवश्यक स्थायी प्रदर्शनी स्थल निर्माण गर्न उद्योगी तथा व्यवसायीहरु लागिपर्नुपर्ने बताए । उनले विकासका कामका लागि यो वा त्यो कुनै पार्टी विशेषभन्दा पनि विकासका कुरालाई महत्व दिनुपर्ने र त्यसको सहयोग सबै पक्षबाट हुन जरुरी रहेको बताए । स्थायी प्रदर्शनीस्थल निर्माण गर्न स्थानीय सरकार र सरोकारवाला पक्षले आवश्यक प्रबन्ध मिलाएर संघीय सरकारसमक्ष योजना ल्याए त्यसको कार्यान्वयन आफूले गराउने उनको भनाइ थियो ।
विराटनगर औद्यौगिक नगरी हुनुका साथै अद्यौगिक क्रान्तिको थलो र अर्को महत्वपूर्ण राजनैतिक क्रान्तिको थलोसमेत रहेकाले यसको विकासका लागि सबै पक्ष एक भएर अघि बढ्नुपर्ने उनले बताए । कार्यक्रममा विराटनगर महानगरपालिकाका प्रमुख भीम पराजुलीले विगतका एक्स्पोभन्दा धेरै गुणाले स्तरीय तरिकाले भव्य रुपमा सम्पन्न भएको हुँदा विराटनगरमा उद्योगी व्यवसायीले यस्तो एक्स्पो गरी रहनुपर्ने बताए । त्यसका लागि महानगरले विराटनगरमा अन्तर्राष्ट्रियस्तरको औद्यौगिक प्रदर्शनीस्थल बनाउन तयार रहेको र त्यसका लागि दुई वर्षअघि नै ५० लाख रुपैयाँ छुट्याएको समेत मेयर पराजुलीले जानकारी दिए ।
उनले भने, ‘जग्गा महानगरले दिन तयार छ, त्यसका लागि संघीय सरकार र निजी क्षेत्र पनि अग्रसर हुनुपर्नेछ ।’ कार्यक्रममा मोरङ व्यापार संघका अध्यक्ष प्रकाश मुन्दडाले प्रत्यक्ष रुपमा उपभोक्ता र उद्योगीबीचको सम्बन्ध जोड्ने पुलको काम एक्स्पोले गरेको बताए । यस्तो मेलाले एक पक्षलाई मात्र फाइदा नभई सबै पक्षलाई फाइदा पुगको उनको भनाइ छ ।
मेलाबाट उद्योगी, व्यवासायीले अक्सिजन पाएको बताउँदै मुन्दडाले भने, ‘वस्तु उत्पादन गरेर मात्र हुँदैन किनभने त्यसको पूर्णरुपमा प्रचारप्रसार हुनु जरुरी छ । यस्तो मेलाबाट हामीले उत्पादन गरेका वस्तु प्रत्यक्ष रुपमा सर्वसाधारणलाई जानकारी दिन पाउँदा उद्योगी, व्यवसायीले अक्सिजन पाएजस्तो महसुस भएको छ ।’
विराट एक्स्पोका संयोजक भोलेश्वर दुलालले उत्साहजनक सहभागिताका कारण आगामी वर्ष एक्स्पो गर्न थप बल पुगको बताए । एक्स्पोका माध्यमबाट साना घरेलु, कृषि वनजन्य, मझौला, ठूला उद्योगलाई आफ्नो उत्पादन प्रवद्र्धन एवम् व्यावसायिक सम्बन्ध विकासमा सहयोग पुगेको बताए । आर्थिक विकास र अर्थतन्त्रको बलियो माध्यम कृषि तथा औद्योगिक विकास भएकाले यस्तो उद्योगको उत्पादनले स्वदेशमै बजार नपाइरहेको अवस्थामा यस्तो एक्स्पोले ठूलो मद्दत पुग्ने दुलालले बताएका थिए ।
क्याटेगोरी : समाचार
ताजा अपडेट
- आठ वर्षपछि फेरि किन बढ्यो ‘लोडशेडिङ’ हुने डर ?
- युक्रेनलाई रुसी भूमिमा अमेरिकी क्षेप्यास्त्र प्रहार गर्ने अनुमति, रुसमा चर्को आक्रोश
- डेडिकेटेड ट्रंक लाइन बिबादमा टिओडी मिटर गणना गर्न विज्ञ समिति गठन
- मुख्यमन्त्री सिंहद्वारा भारतीय पक्षलाई विवाहपञ्चमीको निम्तोपत्र हस्तान्तरण
- जलवायु परिवर्तन न्यूनीकरणमा साझेदार गर्न नेपालको बङ्गादेशलाई आग्रह
- बेनी नगरपालिकामा तीन सय योजना कार्यान्वयनमा
- छुट्टाछुट्टै घटनामा दुईजनाको मृत्यु
- पशुपति आर्यघाटमा पूर्वसभामुख ढुंगानाको अन्त्येष्टि
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया