काठमाडौं । नेपाल सरकारले गर्दै आएको अडिटप्र्रति अन्तर्राष्ट्रिय समुदायले अविश्वास गर्न थालेका छन् । केही समययता नेपालमा व्यापकरुपमा कालोधनको लगानी भइरहेको बेला अन्तर्राष्ट्रिय समुदायले नेपालले गरेको अडिटिङलाई अविश्वास गरेपछि मुलुककै भविष्य अन्योलमा पर्न थालेको छ ।
अन्तर्राष्ट्रिय मुद्रा कोष (आईएमएफ) ले नेपाल राष्ट्र बैंकले गराएको अडिटप्रति अविश्वास गरेपछि नेपालको शुभचिन्तकहरुको मनमा संशय पैदा हुनपुगेको हो ।
आईएमएफले नेपाल राष्ट्र बैंकलाई अन्तर्राष्ट्रिय अडिट फर्मबाट आफ्नो हिसाबकिताबको अडिट गराउन सुझाव दिँदै आएको थियो । तर राष्ट्र बैंकले आईएमएफको सुझावलाई लत्याउँदै आएको थियो र महालेखा परीक्षकको कार्यालयबाट लेखापरीक्षण गराउँदै आएको थियो । राष्ट्र बैंकले त्यसरी अटेरी गरेपछि अन्तर्राष्ट्रिय मुद्रा कोषले नेपाल राष्ट्र बैंक माथि कारबाही थालेको छ र कोषले राष्ट्र बैैंकलाई प्रदान गर्ने रकमको किस्ता रोकेको छ ।
कोषले राष्ट्र बैंकले तीन वर्ष दुई महिनामा ३९८.८ मिलियन अमेरिकी डलरबराबरको रकम दिने सम्झौता गरेको थियो र पहिलो किस्ता ७८.५ मिलियन डलर २०२१ डिसेम्बर २२ मा दिएको थियो । कोषले एक्सटेन्टेड क्रेडिट फ्यासिलिटीअन्तर्गत १० वर्षको लागि निर्ब्याजीरुपमा दिनलागेको उक्त रकमको सबै किस्ता २०२३ सम्ममा आइसक्नुपर्नेछ ।
नेपाल राष्ट्र बैंकले कोषको सुझावअनुसार अन्तर्राष्ट्रिय फर्मबाट आफ्नो हिसाब अडिट नगराउँदा आइसक्नुपर्ने दोस्रो किस्ताको रकम ३९.२ मिलियन अमेरिकी डलर रोकेको मात्र छैन कि निर्ब्याजीरुपमा दिएको रकममा ब्याज लगाउन समेत खोजिरहेको बुझिएको छ । यस विषयमा नेपाल राष्ट्र बैंकका उच्च अधिकारीले भने बोल्न चाहेनन् । उनले भने, ‘यो हल्ला मात्र हो, त्यस्तो अवस्था छैन ।’
क्याटेगोरी : समाचार
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया