दोलखा, फागुन १५
जिल्लाका उच्च ठाउँमा पुनः हिमपात भएको छ । मंगलबार र बुधबार परेको वर्षासँगै जिल्लामा पुनः हिमपात भएको हो । जिल्लामा गत मंसिर महिनादेखि पटक–पटक विभिन्न समयमा हिमपात हुँँदै आएको छ । दोलखाको उच्च भागहरू कालिञ्चोक, शैलुङ, खरीढुङ्गा जिरीलगायतका क्षेत्रमा बाक्लो हिमपात भएको छ भने अन्य केही ठाउँमा सामान्य हिमपात भएको छ । मंगलबार र बुधबार परेको पानी र हिउँका कारण जिल्लाको अदिकांश भू–भागमा चिसो बढेको छ । हिउँ परेसँगै जिल्लामा पर्यटकको चहलपहल पजि बढेको छ । भ्रमण वर्ष चलिरहेको बेला झरेको हिउँले पर्यटकको बाक्लो चहलपहल देखाएको हो । गत शनिबार पनि जिल्लाको दुई स्थान कालिञ्चोक र शैलुङमा बाक्लो हिमपात भएको थियो । मंसिरको अन्तिम सात परेको हिउँ बिलाउन नपाउँदै यस क्षेत्रमा पुन हिमपात भएपछि सो क्षेत्रमा बसोबास गर्ने स्थानीयलाई भने चिसोले सताएर दैनिक जनजीवन प्रभावित बनाएको छ ।
चिसोका कारण घरबाहिर निस्केर काम गर्ने वातावरण नभएको कालिञ्चोकका स्थानीय होटल व्यवसायी चन्द्र तामाङले जानकारी दिए । मौसममा भएका परिर्वतनसँगै दोलखाको खावाँ, खरीढुङ्गा र शैलुङ क्षेत्रमा समेत हिमपात भइरहेको स्थानीयले बताएका छन् । लगातारको हिमपातका कारण जिरी पुग्ने सवारी साधन खावाँमा केही समय अवरुद्ध भए पनि प्रहरीले स्थानीयको सहयोगमा हिउँ पन्छाएर यातायात सुचारु गरेको जिल्ला प्रहरी कार्यालय दोलखाकाले जनाएको छ । खावाँ, खरीढुङ्गा र शैलुङ क्षेत्रमा हिमपातले यातायात अवरुद्ध हुनसक्ने भएकोले प्रहरी निरीक्षक रेशम बोहोराको कमाण्डमा प्रहरी परिचालन गरिएको जिल्ला प्रहरी कार्यालय चरिकोटले जनाएको छ ।
क्याटेगोरी : समाचार
ताजा अपडेट
- ‘न्यायालयप्रति विश्वास छ, सघाउँछौँ’
- वीरगञ्जको घडीअर्वा पोखरीमा छठको तयारी थालियो
- थुनुवा मृत अवस्थामा फेला
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया