दोलखामा सक्रिय बन्दै भूमि आयोग, तीन स्थानीय तहमा समिति गठन
सुबास बस्नेत २०७९, भदौ १७ ११:३३ 
दोलखा । दोलखामा राष्ट्रिय भूमि आयोगले पछिल्ला दिनहरूमा आफ्नो सक्रियता देखाएको छ । आयोगले जिल्लाका तीनवटा स्थानीय तहमा समिति गठन गरेको हो । राष्ट्रिय भूमि आयोग गठन आदेशअनुसार भूमिहीन दलित, सुकुमबासी र अव्यवस्थित बसोबासीको लगत संकलनसम्बन्धी २०७८ को नियम ४ बमोजिम स्थानीय तहस्तरीय सहजीकरण समिति गठन गरिएको आयोग दोलखाका विज्ञ सदस्य सुशान्त तामाङले जानकारी दिए ।
बैतेश्वर गाउँपालिका, जिरी नगरपालिका र गौरीशंकर गाउँपालिकामा सहजीकरण समिति गठन गरिएको हो । आफ्नो नाममा जग्गा नभएका भूमिहीन दलित, सुकुमबासी र अव्यवस्थित बसोबासीहरूको यथार्थ विवरण संकलन गर्न सबै स्थानीय तह र वडामा समिति गठन गर्ने तामाङले जानकारी दिए । सरकारले यही भदौ १ गते निकालेको ३५ दिने सूचनाका आधारमा जिल्लाका वडा तथा पालिकामा समिति गठन गर्न सुरु गरिएको हो । तामाङका अनुसार पालिका सहजीकरण समितिमा पालिका प्रमुख, उपप्रमुख, अध्यक्ष, उपाध्यक्ष, वडा अध्यक्ष, सदस्य, दलित, सक्रिय राजनीतिक दलका एक–एक जना र महिला सदस्य रहन सक्नेछन् । पालिका सहजीकरण समितिले वडामा गएर सोही विधानअनुसार वडा सहजीकरण समिति गठन गर्ने तामाङले बताए । उनका अनुसार गौरीशंकर गाउँपालिकामा पालिका अध्यक्ष विस्वास कार्कीको संयोजकत्वमा १३ सदस्यीय, बैतेश्वर गाउँपालिकामा पालिका अध्यक्ष छवि लामाको संयोजकत्वमा १३ सदस्यीय र जिरी नगरपालिकामा पालिका प्रमुख मित्र जिरेलको संयोजकत्वमा १५ सदस्यीय समिति गठन गरिएको छ ।
त्यस्तै समिति गठन भएका पालिका समितिले अब केही दिनभित्र वडामा पनि समिति गठन गर्ने राष्ट्रिय भूमि आयोग दोलखाका अध्यक्ष ललित बहादुर मगरले बताए । उनका अनुसार जिल्ला भूमि आयोगले असोज पहिलो साताभित्र जिल्लाका नौ पालिका र ७४ वडामा समिति गठन गरिसक्नेछ । भूमिहीन दलित, सुकुमबासीलाई जग्गा उपलब्ध गराउने तथा अव्यवस्थित बसोबासको व्यावस्थापन गर्ने प्रयोजनका लागि समिति गठन गरिएको उनले बताए । भूमिहीन सुकुमबासी तथा जग्गा नापी नभएको तर आफू वर्षौँदेखि उपभोग गर्दै आएका छन् भने त्यस्ता खाले बसोबासीलाई आयोगको सम्पर्कमा ल्याएर जग्गा उपलब्ध गराउने तथा व्यवस्थापन गर्नको लागि पालिका तथा वडातहमा समिति गठन गरिएको उनको भनाइ छ ।
क्याटेगोरी : समाचार
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया